Бугун Поп туманида "Янги Ўзбекистонда эл азиз инсон азиз” шиори остида спортнинг “Муай-тай” тури бўйича 2008-2009, 2010-2011, 2012-2013 йилларда туғилган ёшлар ўртасида Поп тумани ҳокими кубогининг туман очиқ биринчилиги ўтказилди.
Ушбу мусобақада ёшларни жисмоний тарбия ва спорт билан мунтазам шуғулланишга жалб этиш, «Муай-тай» спорт тури бўйича фаолият кўрсатаётган мураббийлар иш тажрибасини оммалаштириш, ёшларни бўш вақтларини мазмунли ўтказиш ҳамда жиноятчиликни олдини олиш мақсад қилинган.
Ўтказилган туман биринчилигида Поп туманининг 2-сонли спорт мактаби ёш муай-тайчилари ҳамда вилоятининг 8 та туманларидан келган ёш спортчилар ғолиблик учун кураш олиб борди.
Мусобақада иштирок этган туман ҳокимининг биринчи ўринбосари Шерали Қосимов ўз сўзида барча иштирокчиларга омад тилаб, келгусида жаҳон ареналарида мамлакатимиз шарафини муносиб ҳимоя қилишларига тилак билдирди.