Косонсой ва Учқўрғон туманларида содир этилган ўта оғир турдаги жиноят, беихтиёр барчамизни яна бир бор ҳушёрликка чақириши керак, - дейди Поп туман Ички ишлар бўлими бошлиғи подполковник Музаффар Нуъманов.
Айни дамда Поп тумани ҳокимлигида қўшни туманда содир этилган жиноят юзасидан 77 та маҳалла фуқаролари йиғини раислари иштирокида учрашув ташкил этилди. Унда туман Ички ишлар бўлими бошлиғи М.Нуъманов, ИИБ бошлиғи ўринбосари Ф.Холматов, туман маҳалла ва нуронийларни қўллаб-қувватлаш бўлими бошлиғи А.Алихоновлар иштирок этди.
Жараёнда ИИБ бошлиғи томонидан тумандаги масъулларга жиноятчиликни олдини олиш борасида ҳамкорликда амалга оширилиши зарур бўлган чора тадбирлар юзасидан топшириқлар берилди. Олди олиниши мумкин бўлган жиноятлар таҳлил қилиниб бунда биринчи навбатда маҳалладаги “Бешлик” доимий равишда шуғулланиши кераклиги таъкидланди.
