Поп тумандаги олис ҳудудлар “Истиқлол”, “Майдон”, “Боён”, “Қўшминор”, “Юқори Чодакбоши”, “Чодакбоши”, “Чоркесар”, “Маданият”, “Гулистон”, “Имон ота”, “Бунёдкор”, “Соҳибкор”, “Наврўз”, “Шайхон” ва “Боғишамол” маҳалла фуқаролар йиғинларида 46 минг нафардан зиёд аҳоли истиқомат қилади.
Бугунги кунда ҳудуддаги аҳолини қиш ва баҳор мавсумида асосий озиқ-овқат ва қишлоқ хўжалик маҳсулотлари билан узлуксиз таъминлаш чоралари белгиланиб, зарур захира шакллантирилди ҳамда мавсум давомида ярмаркалар ўтказилиб борилиши белгиланди.
Хусусан бугун туманнинг Наврўз ва Соҳибкор маҳалла фуқаролари йиғинида туман ҳокимлиги ва Бош прокуратура ҳузуридаги Иқтисодий жиноятларга қарши курашиш Департаменти Поп туман бўлими билан ҳамкорликда арзонлаштирилган қишлоқ хўжалик маҳсулотлари кўчма ярмаркаси ташкил этилди.
