Инсонга эътибор: Поп туманининг олис ҳудудларида аҳоли учун кўчма ярмаркалар ташкил этилди
Бугунги кунда Поп туманининг олис ҳудудларида аҳолини қиш ва баҳор мавсумида асосий озиқ-овқат ва қишлоқ хўжалик маҳсулотлари билан узлуксиз таъминлаш чоралари белгиланиб, зарур захира шакллантирилди ҳамда мавсум давомида ярмаркалар ўтказилиб борилиши белгиланди.
Хусусан бугун туманнинг Чоркесар, Бунёдкор, Имон ота ва Маданият маҳалла фуқаролари йиғинида туман ҳокимлиги ва Бош прокуратура ҳузуридаги Иқтисодий жиноятларга қарши курашиш Департаменти Поп туман бўлими билан ҳамкорликда арзонлаштирилган қишлоқ хўжалик маҳсулотлари кўчма ярмаркаси ташкил этилди.
