Бугун юртимиз бўйлаб Ўзбекистон Республикаси Қуролли Кучлари ташкил этилганининг 31 йиллиги ва Ватан ҳимоячилари куни муносабати билан байрам тадбирлари ўтказилмоқда. Хусусан бугун Поп туманининг ҳарбий-қисмида ушбу кун юқори кайфиятда нишонланди.
— "Бу қутлуғ сана, муҳтарам президентимизнинг таъбирлари билан айтганда, мамлакатимизда ватанпарварлик, она юртга садоқат, мардлик ва жасурлик каби эзгу қадриятларни, халқимизга, буюк аждодларимизнинг муносиб ворисларига хос бўлган юксак фуқаролик фазилатларини ўзида мужассам этадиган том маънодаги умумхалқ байрамига айланди" - дейди Поп тумани ҳарбий сектори раҳбари Аъзамжон Султанов.
Ҳарбий-қисм томонидан ташкил этилган байрам дастурида эл ардоғидаги санъаткорларнинг юртни тараннум этгувчи куй қўшиқлари, сўз усталарининг чиқишлари байрамга ўзгача завқ бағишлади.
Тадбирда давомида Президентимиз Фармонига мувофиқ тақдирланган бир гуруҳ соҳа фидойиларига орден ва медаллар топширилди. Хизмат бурчини аъло даражада ўтаётганларнинг бир гуруҳига туман ҳокимлигининг қимматбаҳо совғалари берилди.
