Сўнгги янгиликлар
Янгиликлар
🏥 1. Shifoxona kerakmi? Shahar yoki qishloq bo‘lishi farq qilmaydi!Agar aholining soni, yoshi va sog‘lig‘i haqida aniq ma’lumot bo‘lsa, qayerga qanday shifoxona kerakligi aniqlanadi. Masalan, keksalar ko‘p yashaydigan hududga yurak va qandli diabet shifoxonasi kerak. Bolalar ko‘p bo‘lsa – pediatrlar soni oshiriladi.
📚 2. Bolalar maktabda siqilib o‘tiryaptimi?Ro‘yxatga olish orqali yoshlar soni, maktabga boradiganlar soni ma’lum bo‘ladi. Natijada, yangidan maktablar quriladi, o‘qituvchilar soni ko‘paytiriladi. Har bir bola qulay sharoitda o‘qiydi.
🚌 3. Jamoat transporti kammi?Aholining zichligi va harakatlanish yo‘nalishlari tahlil qilinadi. Shunga qarab avtobuslar soni ko‘paytiriladi, yangi yo‘nalishlar ochiladi. Ro‘yxatga olish sizga tezroq va qulayroq manzilingizga yetib borish imkonini beradi.
💸 4. Davlat yordamidan kimlar foydalanadi?Ayniqsa, kam ta’minlangan oilalar, yolg‘iz keksalar va nogironligi bo‘lgan fuqarolar haqida aniq ma’lumot kerak. Ro‘yxatga olish orqali yordam kimga kerakligini aniqlash osonlashadi, yordam bevosita sizga keladi.🏘 5. Yangi uylar, yangi imkoniyatlar!Aholi soni oshsa – uy-joyga ehtiyoj ham oshadi. Ro‘yxatga olish bu ehtiyojni aniq ko‘rsatadi. Yangi uylar, arzon ipoteka loyihalari – barchasi sizning ishtirokingizga bog‘liq.Bu jarayon xavfsiz va maxfiy!Siz haqingizdagi ma’lumotlar hech qayerda e’lon qilinmaydi. Faqat raqamlar sifatida qayd etiladi. Ismingiz, manzilingiz, shaxsiy ma’lumotlaringiz maxfiy saqlanadi.
Xulosa: bu ish sizsiz bo‘lmaydi!Siz ro‘yxatdan o‘tsangiz – davlat sizning qayerda, qanday yashayotganingizni biladi. Bu esa siz uchun qulaylik, farzandlaringiz uchun imkoniyat, mahallangiz uchun yangi infratuzilma demakdir!
Ro‘yxatga olish bu – siz uchun, oilangiz uchun, kelajagingiz uchun!Mustaqillikda ilk bor o'tkazilishi rejalashtirilayotgan Aholini ro'yxatga olish tadbirida faol ishtirok eting!!
Бугун Наманган вилояти ҳокими Шавкатжон Абдураззоқов вилоят марказидан 102 км. узоқда, тоғ бағрида жойлашган Поп тумани "Қўшминор" маҳалласидаги 44-мактабда бўлиб, "Сўнгги қўнғироқ" тадбирида иштирок этди.
Таълим ислоҳотларининг амалий самараси, энг чекка ҳудудларда ҳам илмий-маърифий муҳит яратилаётганини ушбу тадбир яна бир бор тасдиқлади.
Тантанали маросимда Ўзбекистон Республикаси Президентининг битирувчи ёшларга йўллаган табриги ўқиб эшиттирилди. Мурожаатда юртимиз келажаги бўлмиш ёшларга бўлган ишонч, уларнинг ғоялари ва ташаббуслари Янги Ўзбекистон тараққиётига хизмат қилиши қайд этилди.
“Олдинга қараб бориш ярашади. Сизларнинг янги ғоя ва ташаббусларингиз, турли соҳалардаги ютуқларингиз Янги Ўзбекистонни янада қудратли этади. Ана шундай юксак ишончга доимо муносиб бўлинг!” - деди вилоят раҳбари ўз сўзида.
Шунингдек, тадбирда ўқув йили давомида алоҳида фидоийлик ва ижодкорлик намоён этган ўқитувчи ҳамда ўқувчилар эсдалик совғалар билан тақдирланди.
Oʻzbekiston Respublikasida ilk bor oʻtkazilishi rejalashtirilgan Aholini roʻyxatga olish jarayonlariga jalb etiluvchilar
- respublika darajasida – respublika komissiyasi tarkibiga kiritilgan vazirlik va idoralar, Agentlik markaziy apparati hamda Agentlik huzuridagi Kadrlar malakasini oshirish va statistik tadqiqotlar instituti xodimlari
- hududiy darajada – hududiy komissiyalar aʼzolari hamda hududiy statistika boshqarmalari xodimlari
- tumanlar va shaharlar darajasida – tuman va shahar statistika boʻlimlari, tuman va shahar roʻyxatga olish boʻlimlari hamda roʻyxatga olish uchastkasi, instruktorlik va hisob uchastkalari xodimlari
Roʻyxatga olish ushastkalari, instruktorlik uchastkalari va roʻyxatga oluvchi xodimlarni ushbu jarayonga tayyorlash bosqichlari
- Aholini roʻyxatga olishning maqsad va vazifalari, roʻyxatga olishga tayyorgarlik koʻrish va uni oʻtkazishni tartibga soluvchi asosiy normativ-huquqiy hujjatlar, roʻyxatga olish hujjatlari tarkibi va uni toʻldirish tartibi, shuningdek, roʻyxatga oluvchi xodimlarning vazifalari, axloq normalari boʻyicha mashgʻulotlar.
- Planshet qurilmalaridan foydalangan holda roʻyxatga olish varagʻi shakllarini toʻldirish, toʻplangan maʼlumotlarni markaziy maʼlumotlar bazasiga yuklash va ularning xavfsizligini taʼminlash boʻyicha mashgʻulotlar
- Texnika xavfsizligi boʻyicha mashgʻulotlar
- Respondentlar soʻrovini oʻtkazish, kelib chiqadigan barcha qiyinchiliklarni aniqlashtirish bilan muammoli masalalarni muhokama qilish boʻyicha amaliy mashgʻulotlar
- Oʻqish yakunida xodimlarning bilimlarni oʻzlashtirganligi boʻyicha test sinovlarini tashkil etish
- Oʻqish jarayonlari tugagandan soʻng xodimlarga maxsus guvohnoma, maxsus kiyim, roʻyxatga olish instrumentlari (planshet, maxsus sumka va boshqa roʻyxatga olish hujjatlari) va kanselyariya buyumlari bilan taʼminlanadi.
Жиноят ишлари бўйича Поп туман суди томонидан 2025 йилнинг 1-чорагида одил судловни амалга ошириш, қонун устуворлигини таъминлаш, фуқароларнинг ҳуқуқ ва қонуний манфаатларини ҳимоя қилиш ҳамда суд ислоҳатлари жараёнида қабул қилинган қонунларни қўллаш юзасидан муайян ишлар амалга оширилди
Хусусан, туман суди томонидан жорий йилнинг 1-чораги давомида 134 нафар шахсга нисбатан 100 та жиноят ишлари кўриб тамомланган, шундан 102 нафар шахсга нисбатан 68 та жиноят иши айблов ҳукми чиқариш билан, 32 нафар шахсга нисбатан 32 та жиноят иши тугатиш билан якунланган.
Айблов ҳукмлари бўйича 10 нафар шахсга жарима, 20 нафар шахсга ахлоқ тузатиш ишлари, 34 нафар шахсга озодликни чеклаш ва 29 нафар шахсга озодликдан маҳрум қилиш, 7 нафар шахсга мажбурий жамоат ишлари жазоси тайинланган.
Ушбу даврда 1.078 нафар шахсга нисбатан 883 та маъмурий ҳуқуқбузарлик тўғрисидаги ишлар кўриб тамомланган бўлиб, шундан 681 нафар шахсга нисбатан 613 та иш бўйича маъмурий жазо қўлланилиб, 397 нафар шахсга нисбатан 270 та ишлар тугатиш билан якунланган.
Туман суди томонидан 2025 йилнинг 1-чорагида 67 маротаба ҳуқуқий тарғибот ишлари амалга оширилган, аҳоли ўртасида ҳуқуқий тарғибот ишлари 30 та (оғзаки тарғиботлар), веб-сайтда 25 та, радиода 9 та чиқишлар қилинган, одам савдоси, коррупция ва аёлларга зўравонликни олдини олиш, жазодан муддатидан илгари озод қилиш амалиёти борасида маҳалла ва давлат ташкилотларида тарғиботлар ўтказилган.
Шунингдек, жиноятчиликни олдини олиш ва келиб чиқиш сабабларини бартараф этиш юзасидан 51 та хусусий ажримлар чиқарилган бўлиб, шундан 31 таси жиноятнинг сабабларини ва унинг содир этилишига имкон яратилиши бўйича МФЙларга ва 4 таси дастлабки тергов ўтказишда йўл қўйилган камчиликлар юзасидан тергов органларига чиқарилган.
Бундан ташқари, туман суди раиси томонидан аҳолининг суд-ҳуқуқ масалаларига доир мурожаатларини ўрганиш мақсадида жойларда сайёр қабуллар ташкил этилиб, келиб тушган мурожаатларга ҳуқуқий тушунтиришлар берилмоқда.
Келгусида ҳам, туман суди томонидан одил судловни амалга ошириш ҳамда қонун устуворлигини таъминлаш, фуқароларнинг ҳуқуқ ва қонуний манфаатларини ҳимоя қилиниши таъминланади.
Жиноят ишлари бўйича Поп туман суди раиси Ж.Курбанов
Ҳурматли фермерлар, миришкор деҳқонлар!
Президентимиз Шавкат Мирзиёев жорий йилнинг 1-2 май кунлари Хоразм вилоятида бўлиб, ҳудудлар ривожи ва аҳоли ҳаёти билан яқиндан танишди. Ташриф давомида Хоразм вилоятини қишлоқ хўжалиги тармоғида амалга оширилиши зарур бўлган муҳим вазифалар белгилаб берилди. Айниқса, сув ресурсларидан оқилона фойдаланиш, экинларни юқори агротехник даражада парваришлаш, фермер хўжаликларини замонавий технологиялар билан жиҳозлаш масалаларига алоҳида эътибор қаратилди.
Иқтисодий имкониятлар — ишончли келажак асоси эканлигини ҳисобга олиб, 56 та лойиҳа доирасида 60 млн долларлик инвестициялар жалб этиш, 3 минг 400 гектар ерни қайта фойдаланишга киритиш, 1 минг 200 гектар мевали боғлар яратиш,1,6 минг км ички ариқ ва 31 км канал бетонлаштириш зарурлиги қайд этилди.
Сувни иқтисод қилиш бўйича Хоразм ўз тажрибасини яратди. Бунда фермер ва деҳқонлар томонидан 93 минг гектар ер майдонини лазерли текислаш йўлга қўйилгани, 196 минг гектар ерга эса сув тежовчи технологиялар ўрнатилганлиги натижасида йилига 1 миллиард куб метр сув иқтисод қилингани таъкидланди.
Келгусида Австриянинг “Бауэр” компанияси билан ҳамкорликда 7,5 минг гектарда ёмғирлаб суғоришни жорий этиш режалаштирилмоқда.
Хоразмлик фермерлар фаолиятига жорий этилган лазерли текислаш, автопилотли тракторлар, қуёш панеллари — таннархни тушириш ва даромадни оширишда муҳим воситаларга айланмоқда. Мисол тариқасида, хонқалик фермер Камолиддин Юсупов 200 кВтлик қуёш панели ўрнатиб, йилига 120 млн сўм тежади ва қўшимча 53 миллион сўмлик электрни тармоқ орқали сотди.
Юқоридаги Хоразмлик фермерларнинг бундай кўрсаткичлари Сиз фермерлар томонидан вилоятимизда бунданда кўпроқ қилиш имконияти мавжуд.
Президентимиз қайд этганидек, ёзи жазирама иссиқ, қиши қаҳратон совуқ, ерлари кучли шўрланган Хоразмда нафақат меҳнат қилиш, балки боғ яратиш, мўл ҳосил ундириш – бу, очиқ айтиш керак, ҳар кимнинг ҳам қўлидан келмайди. Шунинг учун хоразмлик деҳқонларни бир эмас, икки марта қаҳрамон, десак ҳеч қандай муболаға бўлмайди, дея эътироф қилдилар.
Фермер ва деҳқонлар меҳнатини қадрлаб, Хонқа туманидаги “Собиржон Юсуф” оилавий фермер хўжалиги раҳбари Ойимжон Отажановага Президентимиз фармонига биноан "Ўзбекистон Республикасида хизмат кўрсатган қишлоқ хўжалиги ходими" фахрий унвони берилди. Бу вилоятимиздаги барча фермер ва деҳқонларга янги куч-ғайрат бағишлаб, янада шижоат билан ишлашга ундайди.
Бундан ташқари, Муҳтарам Президентимизнинг эътиборидан руҳланган фермер ва деҳқонларимиз инновацион технологияларга асосланган ҳолда янада самарали меҳнат қилиб, пахтадан 45-50 центнердан, ғалладан эса 80-100 центнердан ҳосил олиш орқали даромадларини ошириш, шу билан бирга вилоятимиз аҳолисини арзон ва сифатли қишлоқ хўжалиги маҳсулотлари билан таъминлашни мақсад қилишган.
Ҳурматли фермерлар!
Мевали боғлар, ҳосилга тўла далалар, тўкин дастурхонлар — буларнинг барчаси Сизларнинг кундалик, фидокорона меҳнатингиз самарасидир.
Биз ишонамизки, сизлар бу йил ҳам ўз тажриба ва замонавий ёндашувларга суянган ҳолда юқори натижаларга эришасиз. Сизларни янада шижоат билан меҳнат қилишга, Хоразм тажрибасини бутун мамлакатга намуна қилиб кўрсатишга чақирамиз!
Ҳар бирингиз биласизки, қишлоқ хўжалигидаги асосий мақсад — юқори ҳосил, паст таннарх ва барқарор даромадга эришиш. Бунинг учун давлат томонидан кенг кўламли шарт-шароитлар яратиб берилмоқда. Ҳар йили минглаб гектар ерларда замонавий суғориш технологиялари (томчилаб ва ёмғирлаб суғориш) жорий этилиши, лазерли текислаш, энергия тежайдиган техника ва қуёш панеллари каби инновацияларни қўллаш қўллаб-қувватланмоқда.
Илм, технология ва тажрибани асосий иш қуролига айлантирган замонавий фермеримиз минерал ўғитлар ўрнига биотехнологиялардан оқилона фойдаланишга интилиб, илмий тавсиялар асосида ҳашаротлар ва касалликларга қарши биологик усулларни кенг жорий этилмоқда. Зеро, ҳар бир юртдошимиз яхши билади: бугунги фермер фақат ерда ишлайдиган одам эмас — у агробизнес етакчиси, тадбиркор ва мутахассисдир. Шу боисдан ҳар бир ҳудудда маҳаллий шароитга мос агротехник тадбирлар белгиланмоқда.
Ҳурматли деҳқон ва фермерлар!
Айни кунларда ғалладан юқори ҳосил кутилмоқда. Ҳосилга ҳосил қўшиб, юқори марраларга эришиш учун қуйидаги кечиктириб бўлмайдиган долзарб ишларни амалга оширишимиз зарур:
- ғалла ҳосили пишиши арафасида дала майдонларини сув бостирмасдан пешма-пеш шарбат усулида суғориш ишларини амалга оширишимиз керак;
- ҳосилни нес-нобуд қилмасдан йиғиштириб олишда ўрим комбайнларини мавсумга тайёргарлигини яна бир бор кўриб чиқиш зарур.
Вилоятимизда пахта экиш мавсуми муваффақиятли якунланди. Далаларда ғўзадан тўлиқ ниҳол ундириб олинди. Энг муҳими сувнинг олдинги йилларга нисбатан кўпайиши бу йилги ҳосилнинг мўл бўлиши гаровидир. Юқори хирмон яратиш учун бугун қуйидаги агротехник тадбирларни кечиртирмасдан амалга ошириш талаб этилади:
- туманларда ҳар бир фермер кесимида агротехник тадбирларни ўтказиш бўйича амалга ошириладиган чора-тадбирлар режасини ишлаб чиқиш, шу асосда ишларни аниқ ташкил қилиш лозим;
- ғўза униб чиққан майдонларда гектарига 200 кг карбамид ва 100 кг калийли минерал ўғити билан культивация қилиш зарур;
-ғўза майдонларидаги мавжуд бегона ўтларни тез фурсатда тозалаб, бегона ўтдан тозаланмаган ғўза майдонларига минерал ўғит бермаслик бўйича фермер хўжалик раҳбарларини қатъий огоҳлантириш лозим;
-сувчиларга тўлиқ шароит яратиб берган ҳолда, ғўзани суғоришда сувнинг исрофгарчилигига йўл қўймасдан, 1- ва 2- суғориш ишларини белгиланган муддатларда якунлаш чорасини кўриш зарур;
- ривожланишдан орқада қолаётган ғўза майдонларини қўшимча озиқлантириб, шу қатори қўшимча культивация, чуқур юмшатиш, суспензия сепиш ишларини ҳамда суғоришни фақат шарбат ва фекал билан ўтказиш керак;
- туман ишчи гуруҳлари мавжуд муаммоларни даланинг ўзида ҳал қилиб, йўл қўйилган камчиликлар бўйича зудлик билан қўшимча агротехник тадбирлар белгилаб, хар бир далага назорат учун масъулларни бириктириши лозим;
-биринчи навбатда агротехник тадбирларни экини суст ривожланган майдонларда бошланишига алоҳида эътибор қаратиш керак;
- ОВХ пуркагичлари ёрдамида барча фермер хўжаликлари суспензия учун ишчи эритмани асосан эрталабки ва кечки салқин пайтларда сепишни, энг асосийси ғўзанинг ўсиш ва ривожланишини ростлаб бориш мақсадида замонавий “ПИКС” препарати билан ишлашни ташкил қилиши лозим;
- ғўзанинг турли касалликлари, ҳашаротларга қарши курашиш учун биолабораторияларни тўла қувват билан ишлатиш лозим. Асосан, биомаҳсулотларни далага эрталаб соат 5:00 дан 9:00 гача, кеч соат 16:00 дан 20:00 гача белгиланган тартибда чиқариш керак. Ҳар бир гектар ғўза майдонига 2 тадан феромон тутқич ва 10 та суюқлик солинган идишларни ўрнатиш ҳамда ҳар 3 кунда суюқлик, клей ва капсулаларни янгилаб туриш шарт (албатта мутахассис тавсияси асосида).
Ҳурматли фермерлар ва кластер раҳбарлари!
Сизларнинг фидокорона меҳнатингиз натижасида аҳоли табиий, сифатли озиқ-овқат билан таъминланмоқда. Қишлоқларда ҳаёт сифати яхшиланиб, янгидан-янги иш ўринлари яратилмоқда. Экспорт салоҳияти ортиб, юртимиз брендини дунё танимоқда.
Айни кунларда ғалла ва пахта далаларидаги барча агротехник тадбирларни тезкорлик билан, аниқ режа асосида амалга ошириш талаб этилади. Бунинг учун сувни тежаб, белгиланган муддатда суғоришни таъминлаш, минерал ўғитлардан ва ердан оқилона фойдаланиш ҳамда ўрим-йиғимга сифатли тайёргарлик кўришга қатъий бел боғлаш, бу муддатларни ўтказиб юбормаслик зарур.
Ҳар бир ҳудудда — Андижондан Нукусгача, Қаршидан Навоийгача, Самарқанддан Тошкентгача — деҳқоннинг заҳматини қадрлаш, фаолиятини қўллаб-қувватлаш – барчамизнинг умумий бурчимиздир.
Биз ишонамизки, фермерларимиз билим, тажриба ва меҳнатсеварлиги билан бу йил ҳам юксак натижаларга эришадилар!
Поп тумани фермерлари Кенгаши Раёсати