Сўнгги янгиликлар
Янгиликлар
Попда “Илм-фан фидоийларига эҳтиром” рўёбга чиқмоқда!Вилоят ҳокимлиги ва “Нуроний” жамғармаси ташаббуси билан ташкил этилган “Уч авлод учрашуви” Поп туманида катта руҳий кўтаринкилик билан ўтказилди.
Тадбир “Волидам” мажмуасида ўтказилиб, унда вилоят “Нуроний” жамғармаси раиси Икромхон Нажмиддинов, туман ҳокими Аъзамжон Султанов ҳамда юртимиз равнақига хизмат қилаётган профессор-олимлар — Шариф Эргашев, Набижон Бойбобоев, Хайрихон Раҳматова, меҳнат фахрийлари — Умматали Шамсиев ва иқтидорли ёшлар иштирок этди.
Учрашув тажриба, илҳом ва илмий меросларнинг янги авлодларга узатилиш майдонига айланди. Туман ҳокими ўз нутқида таъкидлаганидек, бугун Поп туманида етишиб чиққан 65 нафар илм-фан фидойиси Республика бўйлаб турли соҳаларда фаолият юритмоқда.
Тажриба — йўл, илм — нур, ёшлар эса келажак!Устозлар изидан тараққиётга одимлаяпмиз!
Aholini roʻyxatga olishning birlamchi maʼlumotlar tizimi Oʻzbekiston Respublikasi hududida yaxlit va har bir maʼmuriy-hududiy birlik boʻyicha aniq bir vaqtda yashovchi shaxslarning turli tavsiflari toʻgʻrisida xalqaro taqqoslana oladigan ishonchli, xolis va yaxlit maʼlumotlarni yagona statistik uslublar asosida yigʻish, qayta ishlash, tahlil etish, taxrirlash, umumiy maʼlumotlarni shakllantirish hamda aholi toʻgʻrisidagi maʼlumotlarni tezkor shakllantirish maqsadida ishlab chiqildi.
Quyidagilar axborot tizimini ishlab chiqishning asosiy maqsadlari sifatida inobatga olingan:
- aholi tarkibidagi global oʻzgarishlarni baholash, demografik siyosatni, aholi sogʻligʻini mustahkamlash, ayollar va bolalar ahvolini yaxshilash va oilalarga yordam koʻrsatish chora-tadbirlarini ishlab chiqish uchun axborotlar bazasini kengaytirish;
- aholi punktlari va shaharlar infratuzilmasini rivojlantirish, mehnat resurslaridan foydalanish va ularni joylantirish boʻyicha qisqa, oʻrta va uzoq muddatli prognozlar, dasturlar tayyorlash va indikativ rejalashtirish;
- milliy barqaror rivojlanish maqsadlarini shakllantirish va uning amalga oshirilishi ustidan monitoring oʻtkazish;
- aholini roʻyxatga olish davrlari oraligʻida aholi soni va tarkibining joriy hisobini yuritish, aholi sonining hisobi va prognozlarini amalga oshirish uchun statistik bazani yaratish;
- ijtimoiy-iqtisodiy muammolar boʻyicha ilmiy tadqiqotlari amalga oshirish.
Aholini roʻyxatga olish mamlakatda yashovchi barcha aholiga tegishli boʻlgan demografik, iqtisodiy va ijtimoiy maʼlumotlarni yigʻish, umumlashtirish, baholash, tahlil qilish va eʼlon qilishning yagona jarayonini oʻz ichiga olib, aholi toʻgʻrisidagi maʼlumotlarning asosiy manbai hisoblanadi va u kelgusi 10 – 30 yillik rivojlanishning prognoz koʻrsatkichlarini hisoblash uchun ishonchli poydevor yaratadi.
Hududlarni rivojlantirish va jamiyatning ijtimoiy himoyaga muhtoj qatlamlariga yordam koʻrsatish boʻyicha siyosiy va boshqaruv qarorlarini qabul qilish uchun zarur maʼlumotlarni olish imkonini beradi. U aholi sonini ishonchli hisoblash, shuningdek, aniq belgilab qoʻyilgan yagona hisobga olish davrida aholining jinsi, Yoshi, oilaviy ahvoli, maʼlumot darajasi, yashash sharoiti, bandligi, millati, fuqaroligi hamda boshqa demografik, ijtimoiy va iqtisodiy xususiyatlari boʻyicha yakka tartibda hisobga olish va batafsil tavsiflashning universal usulini ishga solgan holda rasmiy statistika tizimida asosiy rol oʻynaydi.
“Қишлоқ хўжалигида ердан фойдаланиш самарадорлигини ошириш ва маҳсулот етиштириш ҳажмини кўпайтириш бўйича қўшимча чора-тадбирлар тўғрисида”ги Президент қарори (ПҚ-131-сон, 28.03.2025 й.) қабул қилинди
🔰Қарорга кўра, барча турдаги қишлоқ хўжалигига мўлжалланган ерларни ижарага беришда 2025 йил 11 мартдан қуйидаги тартиблар жорий этилади:
🔹электрон онлайн аукцион савдосини ўтказиш тўғрисидаги хабарномани эълон қилиш муддати 15 кундан 5 кунга, такрорий савдоларда – 5 кундан 1 кунга қисқартирилади;
🔹такрорий савдоларда фақат бир нафар талабгордан ариза келиб тушган тақдирда, унга ушбу савдода эълон қилинган нархда лотни ихтиёрий сотиб олиш таклиф этилади;
🔹ҳар такрорий савдода лот нархи 10 фоиздан босқичма-босқич бошланғич нархнинг 20 фоизига тушганига қадар пасайтирилади.
🗓 2025 йил 1 апрелдан аукцион савдоларида ер участкасига ижара ҳуқуқини олиш учун тўловларни бўлиб-бўлиб тўлаш ва тўлов тўлиқ тўланганда чегирма бериш тартиби бекор қилинади, ушбу тўловлар 15 иш куни ичида тўлиқ тўланиши шартлиги белгиланди.
✳️ 2025–2026 йилларда аукцион савдоларига чиқариладиган қишлоқ хўжалигига мўлжалланган ерлар жами майдонининг ўртача 10–20 фоизи чорва учун озуқа экинларини экиш шарти билан савдога чиқарилади.
Поп тумани Водий маҳалласининг кўп миллатли аҳолиси "Қудратимиз – бирлик ва ҳамжиҳатликда!" шиори остида йиғилди. Тадбирда ўзбек, тожик, қирғиз ва бошқа миллат вакиллари мустаҳкам дўстлик ва аҳиллик тимсоли бўлди!
Бу маҳаллада кўплаб миллат вакили бир оиладек, аҳил ва ҳамжиҳат яшамоқда. Президентимизнинг ислоҳотлари ва уч давлат раҳбарларининг бугунги учрашуви бу бирдамликни янада мустаҳкамлашга хизмат қилади.
Тадбир доирасида миллий таомлар сайли – ҳар бир миллатнинг бетакрор мазаси! Қизғин спорт мусобақалари – жипслик ва ҳамкорлик кўзгуси!Варрак учириш беллашувлари – осмонга тинчлик ва тотувлик рамзи бўлди.
Бирлик – тараққиёт калити, аҳиллик – юрт равнақи!
Поп туманининг гўзал Чодакбоши маҳалласида ҳақиқий шодиёна! "Қудратимиз — бирлик ва ҳамжиҳатликда!" шиори остида Наврўз ва Ҳайит байрамлари қувноқ кайфиятда нишонланмоқда.
Куй-қўшиқлар, рақслар, қаҳқаҳалар – ҳаммаси бирдамлик руҳини уйғотмоқда. Миллат ва элат вакиллари бир давра атрофида жам, меҳр ва ҳурмат тимсолига айланган.
Миллий спорт мусобақалари, полвонлар беллашуви – барчаси ҳайратомуз ва жўшқин! Меҳмонларга эса хушбўй нон, тил ёрар палов, ширин сумалак тортиқ этилди.
Яна бир ҳушхабар – "Дўстлик боғи" ташкил этилиб, манзарали кўчатлар экилди! У келажак авлод учун аҳиллик ва бирлик рамзи бўлиб қолади.
Бугунги байрам нафақат шодиёна, балки дўстлик ва ҳамжиҳатликнинг ёрқин ифодаси! Бирлик – тинчлик ва фаровонлик гарови!