Сўнгги янгиликлар
Янгиликлар
Маълумки, суд қарори асосида алимент тўловларни ўз вақтида амалга ошириш қарздор шахснинг мажбурияти ҳисобланади.
Бироқ, айрим ҳолларда алимент тўловчи ишсизлигини рўкач қилиб, ойма- ой фарзанди моддий таъминотини таъминлашда муаммоларга дуч келади. Айнан мана шу ҳолларни олдини олиш мақсадида Мажбурий ижро бюроси органлари томонидан тизимли чора-тадбирлар кўрилмоқда. Маҳаллий ҳокимликлар, бандлик марказлари билан ҳамкорликда ишсиз қарздор фуқарларни иш билан таъминлашга кўмаклашилмоқда. Бунда албатта ўтказилаётган меҳнат ярмаркалари муҳим аҳамиятга эга.
Жумладан, Поп туманидаги йирик ишлаб чиқариш корхонасида бўлиб ўтган навбатдаги ярмаркага ҳам ишсиз фуқаролар қатори алимент тўловчилар ҳам таклиф этилдилар. Ташкил этилган меҳнат ярмаркада худудлардаги 27 та корхона, ташкилотлар ўзларидаги 800 дан ортиқ бўш иш ўринлари билан иштирок этдилар. Айнан тадбирга Бюронинг Поп туман бўлими томонидан ишсиз бўлган 12 нафар алимент тўловчи ҳам таклиф этилиб, уларга корхона, ташкилотлар вакант ўринлари, яратилган шароитлар билан таништириб ўтдилар. -Мен бир нафар фарзандимга суд қарорига асосан алимент тўлашим керак. Лекин, ишсизлигим туфайли вақтида тўла олмаётган эдим, дейди Хазратибоб маҳалласида яшовчи фуқаро Калонов Муҳаммадали. Айнан бугунги бўш иш ўринлари меҳнат ярмаркага давлат ижрочиси томонидан таклиф этилганим яхши бўлди. Мен бўш иш ўринлари билан танишиб, ўзимга маъқул бўлган “Поп мўрикон” МЧЖ га ишга қабул қилиндим.
Энди биринчи навбатда қарздорликни бартараф этаман ва ойма-ой фарзандим моддий таъминотини бериб тураман. Ўтказилган бўш иш ўринлари ярмаркасида жами 10 нафар ишсиз алимент тўловчилар ишлаб чиқариш корхоналарига ишга йўлланма олишди. Асосийси, бўлим иш юритувида бугунги кунда 2 139 та алимент билан боғлиқ ҳужжатлар мавжуд ва уларни ижросини таъминлаш борасида жорий йилнинг 3 ойи давомида 1,741 млрд сўм қарздорлик ундириб берилди. Олиб борилган тарғибот тадбирлари натижасида 99 та оилани яраштиришга эришилди. 44 нафар ишсиз алимент тўловчиларни бандлигини таъминлашга кўмаклашилди. Бу каби тадбирлар давом этмоқда. Мажбурий ижро бюроси вилоят бошқармаси
Давлатимиз раҳбарининг “Аҳолига маъмурий жарималарни тўлашда қўшимча қулайликлар яратиш ҳамда соҳада коррупцион омилларни бартараф этиш чора-тадбирлари тўғрисида” ги қарори қабул қилинди.
Қарорга кўра, энди жарималарни вақтлироқ тўласа, чегирма берилиши назарда тутилмоқда. 2023 йил 1 майдан бошлаб маъмурий ҳуқуқбузарликлар бўйича қўлланилган жаримани ихтиёрий тўлаш тизими янада соддалаштирилади. Унга кўра:
-ҳуқуқбузар унга жарима солиш тўғрисидаги қарор топширилган кундан бошлаб 15 кун ичида жарима миқдорининг 50 фоизини, 30 кун ичида 70 фоизини ихтиёрий равишда тўлаган тақдирда, у жариманинг қолган қисмини тўлашдан озод қилинади;
-мазкур тартиб суд қарорларига асосан қўлланиладиган жарималарга нисбатан ҳам татбиқ этилади.
Айнан мазкур қарорда суд ва бошқа органлар ҳужжатларини мажбурий ижро этиш соҳасида суиистеъмолчиликларнинг олдини олиш ҳамда фуқаро ва тадбиркорларни қийнаётган муаммоларни ҳал этиш мақсадида қатор вазифалар белгиланди. Яъни, Мажбурий ижро бюроси томонидан қўлланиладиган маъмурий жариманинг миқдори ижро ҳужжатида ундирилиши белгиланган суммадан юқори бўлиши мумкин эмаслиги қатъий белгилаб қўйилди.
Бундан ташқари, Мажбурий ижро бюроси номидан маъмурий ҳуқуқбузарликлар тўғрисидаги ишларни кўриб чиқишга ҳамда маъмурий жазо қўллашга фақат Ўзбекистон Республикасининг Бош давлат ижрочиси, Қорақалпоғистон Республикаси, вилоятлар ва Тошкент шаҳрининг бош давлат ижрочилари, уларнинг ўринбосарлари, шунингдек, Мажбурий ижро бюросининг туман (шаҳар) бўлимлари бошлиқлари ҳақли эканлиги кўрсатиб ўтилди.
Асосийси, мазкур қарорни қабул қилиниши, аҳолига маъмурий жарималарни тўлашда қўшимча қулайликлар яратиш ва жарима юкини камайтириш, қўлланилган жарималарни ижро этиш тизимини янада соддалаштириш, шунингдек, давлат органларининг аҳоли билан муносабатларида ортиқча бюрократик тўсиқларни ва коррупцион омилларни бартараф этишга хизмат қилади.
МИБ Наманган вилоят бошқармаси
“Техник жиҳатдан тартибга солиш тўғрисида”ги қонун (ЎРҚ–819, 27.02.2023 й.) Президент томонидан имзоланди.
Қонунга кўра, техник жиҳатдан тартибга солиш – маҳсулотнинг хавфсизлигига, уни ишлаб чиқариш жараёнларига ва усулларига доир талабларни белгилаш, қўллаш ҳамда бажариш, шунингдек уларга риоя этилишини мувофиқликни баҳолаш ва давлат назоратини амалга ошириш орқали текширишдир.
Ўзбекистон техник жиҳатдан тартибга солиш агентлиги техник жиҳатдан тартибга солиш соҳасидаги махсус ваколатли давлат органи ҳисобланади.
Вазирлар Маҳкамаси мазкур соҳадаги ваколатли давлат бошқаруви органларини белгилайди ва улар фаолиятини мувофиқлаштиради.
Қонунга мувофиқ, техник регламентлар қуйидаги мақсадларда қабул қилинади:
▫️маҳсулот хавфсизлиги талабларини белгилаш орқали фуқароларнинг ҳаётини ёки соғлиғини муҳофаза қилиш;
▫️атроф-муҳитни, ҳайвонот ва ўсимлик дунёсини муҳофаза қилиш;
▫️харидорларни (истеъмолчиларни) чалғитадиган ҳаракатларнинг олдини олиш;
▫️энергия жиҳатдан самарадорликни ва табиий ресурслардан оқилона фойдаланишни таъминлаш;
▫️савдодаги техник тўсиқларни бартараф этиш;
▫️ички ва ташқи бозорларда маҳсулотнинг рақобатбардошлилигини ошириш.
🔰 Техник регламентларда белгиланган мувофиқликни мажбурий равишда тасдиқлаш қуйидаги шаклларда амалга оширилади:
🔹мувофиқликни декларация қилиш;
🔹мажбурий сертификатлаштириш.
Қонунга кўра, давлат назорати органлари ўртасида юқори хавф туғдирадиган маҳсулот ҳақида тезкор равишда ўзаро хабар бериш тизими яратилади ва фаолият кўрсатади.
Қонун расмий эълон қилинган кундан эътиборан 6 ой ўтгач кучга киради.
Поп туман адлия бўлими
“Мувофиқликни баҳолаш органларини аккредитация қилиш тўғрисида”ги қонун (ЎРҚ–820, 27.02.2023 й.) Президент томонидан имзоланди.
Қонунга кўра, Вазирлар Маҳкамаси аккредитация соҳасида ягона давлат сиёсати амалга оширилишини таъминлайди.
Ўзбекистон техник жиҳатдан тартибга солиш агентлиги аккредитация соҳасидаги махсус ваколатли давлат бошқаруви органи ҳисобланади.
Миллий аккредитация тизими мувофиқликни баҳолаш органларини аккредитация қилиш қоидаларини ва тартиб-таомилини белгилайдиган норматив-ҳуқуқий ҳужжатларга, шунингдек техник жиҳатдан тартибга солиш соҳасидаги норматив ҳужжатларга мувофиқ давлат миқёсида фаолият кўрсатувчи тизимдир.
Миллий аккредитация тизими иштирокчилари қуйидагилардан иборат:
▫️махсус ваколатли давлат органи;
▫️аккредитация бўйича кенгаш;
▫️аккредитация органи;
▫️аккредитация қилинган субъектлар;
▫️аккредитация бўйича баҳоловчилар ва техник экспертлар;
▫️аккредитация бўйича техник қўмиталар.
⏳ Аккредитация, агар аккредитациянинг амал қилиши тугатилмаган бўлса, гувоҳномада кўрсатилган муддат давомида амал қилади.
📌 Қонун расмий эълон қилинган кундан эътиборан 6 ой ўтгач кучга киради..
Поп туман адлия бўлими
Ўз вақтида олинмаган пенсияни тўлаш муддати узайтирилади
Президент фармони билан 2022–2026 йилларга мўлжалланган Янги Ўзбекистоннинг тараққиёт стратегиясини “Инсонга эътибор ва сифатли таълим йили”да амалга оширишга оид давлат дастури тасдиқланди
Давлат дастурига кўра, 2023 йил 1 июлдан:
барча давлат органлари ва ташкилотларида “Аҳоли ва тадбиркорларга сервис сифатини ошириш” чора-тадбирлари белгиланади;
ДХМ орқали кўрсатиладиган давлат хизматлари сони 300 тага, ЯИДХП (my.gov.uz) орқали кўрсатиладиган хизматлар сони эса 570 тага етказилади;
аҳолининг ижтимоий ҳимояга муҳтож қатламлари (ногиронлиги бўлган шахслар, оғир беморлар, кексалар ва бошқалар)га миграция ва фуқароликни расмийлаштириш соҳасидаги давлат хизматлари доимий яшаш ёки вақтинча турган жойига чиқиш орқали кўрсатилган хизмат учун қўшимча тўлов ундирилмайди;
электр, газ ва сув сарфи ҳисоблагичларини қиёслашдан ўтказиш бўйича давлат хизматлари проактив тарзда (фуқаро мурожаатини кутмасдан, хизмат кўрсатувчи ташкилотнинг ўз ташаббуси билан) кўрсатилади.
2023 йил 1 сентябрдан аҳоли ва тадбиркорларга субсидия ажратиш билан боғлиқ барча хизматлар босқичма-босқич “Аҳоли ва тадбиркорлик субъектларига субсидия ажратишнинг ягона электрон платформа”сига ўтказилади.
2024 йил 1 январдан пенсионерга ҳисобланган, лекин ўз вақтида олинмаган пенсияни тўлаш муддати 12 ойдан 24 ойга узайтирилади.
2023 йил 1 апрелдан ногиронлик идоралараро электрон маълумотлар алмашинуви асосида ногиронлик белгилари аниқ кўриниб турган, анатомик нуқсонлари бўлган, шунингдек, нохуш клиник прогнозга эга касалликлар ва асоратларда фуқароларнинг иштирокисиз белгиланади.
Дастурга кўра, 2023 йилда:
“Янги Ўзбекистон” массивлари ва 161 та бошқа массивларда янги уй-жойлар қуришнинг йиллик ҳажмлари 90 мингга етказилади;
аҳолини бозор тамойиллари асосида ипотека кредитлари орқали мулк ҳуқуқи асосида Тошкент вилоятида тажриба-синов тариқасида “Менинг биринчи уйим” дастури ишлаб чиқилиб, амалга оширилади.
Поп туман адлия бўлими