Сўнгги янгиликлар
Янгиликлар
Ma’lumot o`rnida ta’kidlash lozimki, “Fuqarolarning davlat pensiya ta’minoti to`g`risida”gi qonunning 14-moddasida va Adliya vazirligi tomonidan 1999 yil 7 yanvarda 588-son bilan davlat ro`yxatidan o`tkazilgan “Alohida asoslarga ko`ra mehnat shartnomasi bekor qilinganda ishdan bo`shatilgan xodimlarga muddatidan oldin pensiya tayinlash tartibi to`g`risida”gi yo`riqnomada bu masalaga juda aniq yechim berilgan.
Qonunning 14-moddasida va 588-sonli Yo`riqnomaning 2 va 3-bandlariga ko`ra texnologiyadagi, ishlab chiqarish va mehnatni tashkil etishdagi o`zgarishlar, xodimlar soni (shtati) yoki ish xususiyatining o`zgarishiga olib kelgan ishlar hajmining qisqarganligi yoxud korxonaning tugatilganligi munosabati bilan ishdan bo`shatilgan va ishsiz deb e’tirof etilgan shaxslar:
➖ erkaklar — 58 yoshga to`lganda (aslida 60 yosh, demak ikki yil avval) va ish staji kamida 25 yil bo`lgan taqdirda;
➖ ayollar — 53 yoshga to`lganda (aslida 55 yosh, demak ikki yil avval) va ish staji kamida 20 yil bo`lgan taqdirda pensiya olish huquqiga ega bo`ladilar.
Demak, yuqoridagi alohida asoslar (MK 100-modda ikkinchi qism 1-bandi, yangi MK 161-modda ikkinchi qism 1 va 2-bandlari)ga ko`ra mehnat shartnomasini bekor qilinganda muddatidan oldin pensiya tayinlash uchun xodimning yoshi va umumiy staji yuqoridagi talablarga to`g`ri kelishi kerak.
Xo`sh, bunday pensiya tayinlanishi uchun nimalar qilish kerak?
- Avvalo, ishdan bo`shatilgan xodim mehnat shartnomasi bekor qilingan kundan so`ng 30 kalendarь kuni ichida yashash joyidagi Aholi bandligiga ko`maklashish markazi (ya’ni, Markaz)ga ish qidiruvchi shaxs sifatida murojaat qilsa, Markaz xodimlari bunday shaxsga 3 oy muddat ichida, agarda ular 30 kalendarь kundan keyin murojaat qilsalar 10 kun muddat ichida maqbul keladigan ishni topishda yordam berishlari kerak.
- Agar ish qidiruvchi shaxsga Markaz tomonidan yuqorida ko`rsatib o`tilgan muddatlar ichida 2 marta maqbul keladigan ish taklif qilinmasa, bunday holda xodim Markazda ish qidiruvchi shaxs sifatida ro`yxatga olingan kundan boshlab ishsiz deb e’tirof etiladilar.
- Markaz ishsiz deb e’tirof etilgan va muddatidan oldin yoshga doir pensiyaga chiqish huquqiga ega bo`lgan fuqaro bo`yicha maxsus taqdimnoma tayyorlaydi va 5 kun muddat ichida tegishli Byudjetdan tashqari Pensiya jamg`armasining tuman (shahar) bo`limiga topshiradi.
📃 Markaz tomonidan berilgan maxsus taqdimnoma byudjetdan tashqari Pensiya jamg`armasining tuman (shahar) bo`limi tomonidan muddatidan oldin yoshga doir pensiya tayinlashga asos bo`lib hisoblanadi (Yo`riqnomaning 6-9-bandlari).
Pop tuman adliya bo`limi
Бугун туманнинг Поп маҳалла фуқаролар йиғинида миллий таом дамланиб аҳолига тарқатилди
Ҳар қандай шароитда ҳам доимий инсонларга ёрдам қўлини чўзиш, уларнинг оғирини енгил қилиш, ижтимоий қўллаб-қувватлаш азалий эзгу фазилатларимиздан биридир.
Бугун ушбу маҳалланинг бир гуруҳ фаоллари ташаббуси билан тайёрланган Эҳсон оши кексалар, ногиронлиги бўлган хонадонларга шунингдек, кам таъминланган ва эҳтиёжманд оилаларга тарқатилди.
Санаторийларда даволаниш учун йўлланмалар ДХМ ёки my.gov.uz орқали берилади.
Ҳукумат қарори (693-сон, 19.11.2021 й.) билан Кексалар ва ногиронлиги бўлган шахсларга санаторийларда даволаниш учун йўлланмалар бериш бўйича давлат хизматлари кўрсатишнинг маъмурий регламенти тасдиқланди.
Маъмурий регламентга кўра, 2022 йил 1 июлдан кексалар ва ногиронлиги бўлган шахсларга санаторийларда даволаниш учун йўлланмалар фақат ДХМ ёки ЯИДХП (my.gov.uz) орқали берилади.
Йўлланмалар қуйидаги тоифадаги кексалар ва ногиронлиги бўлган шахсларга берилади:
-уруш ногиронларига ва қатнашчиларига тенглаштирилган шахслар;
-ҳалок бўлган ҳарбий хизматчиларнинг янги никоҳдан ўтмаган бева хотинлари (бева эрлари);
-республика аҳамиятига молик шахсий пенсия олувчи шахслар;
-Чернобиль АЭС ҳалокати оқибатида нурланиш касаллигига чалинган ва уни бошидан кечирган шахслар, шунингдек, Чернобиль ҳалокати сабабли ногирон бўлиб қолган шахслар;
-ядро полигонлари ва бошқа радиация-ядро объектларида ҳарбий хизматни ўтаган пенсия ёшидаги шахслар;
-I ва II гуруҳ ногиронлиги бўлган шахслар, кўзи ожиз I гуруҳ ногиронини кузатиб борувчи шахс;
-ўзгалар парваришига муҳтож ёлғиз кексалар;
-ёшга доир пенсия олувчилар.
Мазкур қарорнинг яна бир аҳамиятли жихати шунрдаки, йўлланмалар берилишида давлат хизматлари кўрсатилгани учун йиғим ундирилмайди.
Йўлланмалар кексалар ва ногиронлиги бўлган шахсларга 12 кунга, йўлланмаларнинг амал қилиш муддати бошланишидан 10 кун олдин (асосли сабабларга кўра қайтарилган йўлланмалар бундан мустасно) берилади.
Йўлланмалар фақат уларда кўрсатилган муддатларда ҳақиқий ҳисобланади.
Йўлланмада кўрсатилган муддатдан олдин санаторийга қабул қилинмайди, санаторийга кечикиб келинган кунлар тикланмайди.
Йўлланмадан фақат унда кўрсатилган шахсгина фойдаланиши мумкин.
Битта йўлланма билан биттадан ортиқ киши (жумладан, ёш болалар ҳам) қабул қилинмайди.
Қарорга кўра шунингдек, “Электрон санаторий” платформаси ишлаб чиқилади.
Бунда санаторийларга йўлланма олиш учун мурожаат қилган аҳоли электрон ахборот тизими орқали ҳисобга олинади;
-йўлланмалар бўйича навбатни кузатиш имкониятини берувчи механизмлар жорий этилади.
Мазкур қарорни қабул қилинишидан кўзланган асосий мақсад ҳам давлат хизматларини кўрсатишда фуқаролага қулайликлар яратиш ҳамда ушбу соҳада шаффофликни таъминлашдан иборат.
Поп туман адлия бўлими
давлат хизматлари кўрсатиш
маркази шўъба бошлиғи Акмалжон Абдуназаров
Qonunchilikka ko`ra, davlat ramzlari tasviri tushirilgan belgilardan ishlab chiqarilayotgan yoki realizatsiya qilinayotgan tovarlarni (ishlarni, xizmatlarni) o`tkazish uchun tijorat maqsadlarida foydalanish mumkin emas.
Davlat bayrog`i, gerbi yoxud madhiyasi to`g`risidagi qonunchilikni buzish:
-fuqarolarga BHMning 3 baravarigacha (900 ming so`mgacha), mansabdor shaxslarga 3 baravaridan 7 baravarigacha (900 ming so`mdan 2,1 mln so`mgacha) miqdorda;
-Takroran sodir etiladigan bo`lsa:
- fuqarolarga BHMning 3 baravaridan 5 baravarigacha (900 ming so`mdan 1,5 mln so`mgacha), mansabdor shaxslarga 7 baravaridan 10 baravarigacha (2,1 mln so`mdan 3 mln so`mgacha) miqdorda jarima solishga sabab bo`ladi.
Shuningdek, Davlat bayrog`i, gerbi yoxud madhiyasiga hurmatsizlik qilish:
-BHMning 25 baravarigacha (7,5 mln so`mgacha) miqdorda jarima yoki 360 soatgacha majburiy jamoat ishlari yoxud 3 yilgacha axloq tuzatish ishlari bilan jazolanadi.
Куни кеча Президент томонидан имзоланган янги Фармон узоқ кутилган навбатдаги муҳим воқеа бўлди.
Президентнинг Олий Мажлисга ва Ўзбекистон халқига йўллаган Мурожаатномаси мамлакатимиз ҳаётидаги энг муҳим воқеа бўлди.
Хусусан, давлат раҳбари Мурожатномасида нутқ қилганидек, юқоридаги масала вазирлик идоралари сони ҳозирги 61 тадан 28 тагача камайтирилиши, давлат хизматчилари сони босқичма-босқич 30-35 фоизгча қисқартирилиши, иқтисод қилинадиган давлат маблағлари ижтимоий масалаларга йўналтирилишини таъкидлаб ўтди.
Шунга кўра, давлат раҳбари томонидан муҳим Фармон имзоланди.
"Янги Ўзбекистон маъмурий ислоҳотларини амалга ошириш чора-тадбирлари тўғрисида"ги Президентнинг 269-сонли Фармони (ПФ–21.12.2022 й.) қабул қилинди.
Фармонга кўра, 2023 йил 1 январдан Вазирлар Маҳкамаси аъзоси бўлган ижро этувчи ҳокимият органлари раҳбарларининг Вазирлар Маҳкамасининг таркибий тузилмаларидан мустақил равишда Бош вазир билан тўғридан-тўғри ишлаши тизими жорий этилади.
Эндликда Вазирлар Маҳкамаси ижро этувчи тузилмасида иқтисодиёт ва ижтимоий соҳалар бўйича котибиятлар, департаментлар ва улар ҳузуридаги бўлимлар, шунингдек, Маданий меросни ҳимоя қилиш инспекцияси, Ҳарбийлаштирилган тузилмалар фаолиятини молиявий ва моддий-техник таъминлаш бўлими, Маҳалла ва нуронийларни қўллаб-қувватлаш масалалари бўлими расман тугатилди.
Фармонга кўра, 2023 йил 1 январдан мустақил фаолият юритувчи республика ижро этувчи ҳокимият органларининг сони 61 тадан 28 тагача, шу жумладан вазирликлар сони 25 тадан 21 тагача қисқартирилади.
Шунга кўра, Вазирлар Маҳкамаси тизимини қуйидаги янги вазирликлар ташкил этади:
Инвестициялар, саноат ва савдо вазирлиги;
Иқтисодиёт ва молия вазирлиги;
Тоғ-кон ва геология вазирлиги;
Қурилиш ва уй-жой коммунал хўжалиги вазирлиги;
Камбағалликни қисқартириш ва бандлик вазирлиги;
Олий таълим, фан ва инновациялар вазирлиги;
Мактабгача ва мактаб таълими вазирлиги;
Табиат ресурслари вазирлиги;
Ёшлар сиёсати ва спорт вазирлиги;
Қишлоқ хўжалиги вазирлиги;
Сув хўжалиги вазирлиги;
Рақамли технологиялар вазирлиги;
Адлия вазирлиги;
Транспорт вазирлиги;
Маданият ва туризм вазирлиги;
Мудофаа вазирлиги;
Энергетика вазирлиги;
Соғлиқни сақлаш вазирлиги;
Ташқи ишлар вазирлиги;
Ички ишлар вазирлиги;
Фавқулодда вазиятлар вазирлигидир.
Шунингдек, Фармонга кўра, 2023 йил 1 январдан 12 та давлат бошқаруви органлари фаолияти тугатилиб, вазифа ва функциялари тегишли вазирлик ва идораларга ўтказилади ва 24 та давлат бошқаруви органининг ташкилий бўйсунуви ўзгаради.
Ҳукуматда амалдаги 8 нафар Бош вазир ўринбосари ва 3 нафар Бош вазир маслаҳатчиси лавозимларидан фақат 4 нафар Бош вазир ўринбосари қолдирилмоқда.
Бош вазир ўринбосари бир вақтнинг ўзида вазир ёки бошқа раҳбарлик лавозимини эгалламайди ҳамда вазирликлар ва бошқа давлат идоралари фаолиятини тўғридан-тўғри бошқармайди.
Вазирлар Маҳкамасининг ижро этувчи тузилмасида амалдаги 269 та штатдан 120 таси қолади. Вазирлар Маҳкамаси аппарати тугатилмоқда.
Унинг ўрнига Ҳукумат раҳбари фаолиятини ҳуқуқий, ташкилий-техник, ахборот-таҳлилий ва протокол жиҳатдан таъминлайдиган Бош вазир котибияти ташкил қилинмоқда.
Мамлакатимиз тараққиёти ривожланишида бундай ўзгаришлар муҳим қадам ташланиш билан бир қаторда, вазирлик ва давлат идораларининг қисқариши билан эндиликда иқтисод қилинадиган маблағлар тўғри ва самарали сарфланишида, коррупциянинг камайишига, давлатнинг бундай эзгу ғоя ва кучли ислоҳотлари тамойилларини амалга оширишидаги ҳаракатларидан муҳими, халқимизни эртанги турмушининг фаровонлашишига ва рози бўлмоғига хизмат қилади, деган умиддамиз.
Поп туман адлия бўлими бош
маслаҳатчиси Амкмал Қодиров