Сўнгги янгиликлар
Янгиликлар
Бугун Наманган вилояти ҳокими Шавкатжон Абдураззақов Поп туманиниг 4-сектор ҳудудидаги Шайхон маҳалла фуқаролари йиғинидаги мактабгача таълим ташкилотининг очилиш маросимида иштирок этди.
Тантанали маросимда сўз олган вилоят раҳбари Чодак ҳудудидаги олиб борилаётган бунёдкорликлар ишлари, янги лойиҳалар асосида саноат ва туризмни ривожлантириш бўйича бошланган хайрли ишларга тўхталди. Мустақиллигимизнинг 30 йиллик шодиёнасига муносиб туҳфа бўлган бинода эртамиз эгалари чуқур таълим-тарбия олиши, юрт тараққиётига, иқтисодиётига хисса қўшадиган баркамол авлодлар етишиб чиқишига ишонч билдирди.
Ушбу қиймати 2 миллиард 858 миллион сўмлик лойиҳа ҳисобига қуриб битказилган таълим масканида 20 нафар ишчи ўрни яратилиб ҳудуддаги "Аёллар дафтари" ва "Ёшлар дафтари" рўйхатида бўлган фуқароларнинг бандлиги таъминланди.
Ushbu yo‘riqnoma O‘zbekiston Respublikasining "Aholini ro‘yxatga olish to‘g‘risida"gi Qonunining 22-moddasi va O‘zbekiston Respublikasi Vazirlar Mahkamasining 2020 yil 11 noyabrdagi "O‘zbekiston Respublikasida 2023 yilda aholini ro‘yxatga olishga tayyorgarlik ko‘rish va uni o‘tkazish chora-tadbirlari to‘g‘risida"gi 710-son qaroriga muvofiq sinov tariqasida aholini ro‘yxatga olish jarayonlarini xalqaro tavsiyalarga mos ravishda o‘tkazilishini tashkil etish maqsadida ishlab chiqilgan.
Tashkiliy rejani ishlab chiqish ro‘yxatga olish xodimlari uchun belgilangan o‘rtacha yuklamalar asosida hududiy statistika boshqarmalari hamda tuman (shahar) aholini ro‘yxatga olish bo‘limlari tomonidan aholini ro‘yxatga olishni rejalashtirish (tuman (shahar), aholini ro‘yxatga olish, instruktorlik va hisob uchastkalariga bo‘lish) maqsadida amalga oshiriladi.
Bunda tuman (shahar)larning ma’muriy xaritalari, qishloq aholi punktlari va mahallalarning sxematik rejalari, qishloq aholi punktlari va mahallalar ro‘yxati, aholi soni ko‘rsatilgan uy va xonadonlar manzillari kabi ma’lumotlardan foydalaniladi.
(2021 йил 1 июль ҳолатига)
Доимий аҳоли сони: Дастлабки маълумотларга кўра, 2021 йилнинг 1 июль ҳолатига Поп туманининг доимий аҳоли сони 224,3 минг кишини ташкил этиб, йил бошига нисбатан 1,6 минг кишига ёки 0,7 % га кўпайган.
Туғилиш даражаси: 2021 йилнинг январь–июнь ойларида туғилганлар сони 2 263 кишини ташкил қилган ва 2020 йилнинг мос даврига (2 288 киши бўлган) нисбатан - 25 кишига камайган.
Ўлим даражаси: 2021 йилнинг январь–июнь ойларида вафот этганлар сони 473 кишини ташкил қилди ва 2020 йилнинг мос даврига (471 киши бўлган) нисбатан 2 кишига кўпайган.
Миграция: Дастлабки маълумотларга кўра 2021 йилнинг январь–июнь ойларида туман бўйича кўчиб келганлар сони 146 кишини, шу давр мобайнида кўчиб кетганлар сони эса 283 кишини ташкил этиб, миграция сальдоси - 137 кишига кам бўлган.
Никоҳ ва ажралишлар: 2021 йилнинг январь–июнь ойларида ФҲДЁ органларида 749 та никоҳлар қайд қилиниб, 2020 йилнинг мос даврига (428 та бўлган) нисбатан 321 тага купайган бўлса, шу давр мобайнида 127 та никоҳдан ажралишлар рўйхатга олинган бўлиб, ўтган йилнинг мос даврига (95 та бўлган) нисбатан 32 тага кўпайган.
Поп туман статистика бўлими.
Поп тумани 1 сектор ҳудудидаги Юксалиш маҳалла фуқаролари йиғинига мустақиллигимизнинг 30 йиллиги муносабати билан янги бино фойдаланишга топширилди.
Унда Наманган вилояти ҳокимининг хотин-қизлар масалалари бўйича маслаҳатчиси Ирода Қўчқорова, вилоят Нуронийлар жамоатчилик Кенгаши раиси Икромхон Нажмиддинов, туман сектор раҳбарлари ва маҳалла фаоллари иштирок этди.
Маросимда сўз олган туманимиз ҳокими Аъзамжон Султанов, маҳаллалардаги ижтимоий-иқтисодий ҳамда инфратузилма объектларини ҳолатини яхшилаш бўйича амалга оширилган ободонлаштириш ишлари аввало инсонлар қалбига чароғон нурдек кўчиши, пировард мақсад эканлигини айтиб ўтди.
Шунингдек маросимда бир вақтнинг ўзида маҳалла учун Ҳуқуқ тарғибот маскани ҳам фойдаланишга топширилди. Янги бинода нафақат ходимлар, балки у ерга келадиган ҳар битта фуқаро учун барча қулайлик яратилди. Барча хоналар замонавий мебель жиҳозлари билан таъминланган.
