Сўнгги янгиликлар
Янгиликлар
Тоза жойда касаллик бўлмайди, касаллик йўқ жойда барака бўлади
Хабарингиз бор, Ўзбекистон Республикаси Мустақиллигининг 30 йиллик байрамига муносиб тайёргарлик кўриш мақсадида август ойи – мамлакатимиз бўйлаб «Маҳаллаларни ободонлаштириш ойлиги» деб эълон қилинганди. (https://uza.uz/upload/medialibrary/287/12.jpg)
Шу муносабат билан, «Маҳалла» хайрия жамоат фонди вилоят бўлими, вилоят Нуронийлар кенгаши, вилоят экология ва атроф- муҳитни муҳофаза қилиш ва вилоят Давлат санитария-эпидемиология осойишталик бошқармалари раҳбарларининг Мурожаатларига мувофиқ, 2021 йил 21 август – шанба куни вилоятимизда «Янги Ўзбекистонда эркин ва фаровон яшайлик!» шиори остида Умумхалқ ободонлаштириш хайрия ҳашари ўтказилади.
Мазкур хайрия ҳашаридан тушган маблағлар аҳолининг моддий таъминотга муҳтож қатламларига, «Нуроний» жамғармаси ҳамда «Обод ва хавфсиз маҳалла» жамғармасини қўллаб-қувватлашга, шунингдек, кам таъминланган оилалар хонадонларини таъмирлаш ва томорқадан фойдаланишга шароит яратиш ҳамда маҳалла фуқаролар йиғинларининг моддий-техника таъминотини яхшилашга сарфланади.
Азиз ҳамюртлар! Умумхалқ хайрия ҳашарида фаол иштирок этайлик, вилоятимиз ободончилигига ҳисса қўшайлик!
Аҳолини рўйхатга олиш жараёнида иштирок этувчи давлат органлари
Аҳолини рўйхатга олиш ишларига тайёргарлик кўриш ва уни ўтказиш бўйича 20 дан ортиқ давлат органлари жалб этилган бўлиб, ишчи комиссия таркиби тасдиқланган.
Ушбу аҳолини рўйхатга олиш тадбирида Давлат статистика қўмитаси аҳолини рўйхатга олиш соҳасидаги махсус ваколатли давлат органи сифатида қуйидагиларни амалга оширади:
- аҳолини рўйхатга олиш бўйича методика ва қўлланма материаллар тайёрлайди ҳамда белгиланган тартибда тасдикдайди;
аҳолини рўйхатга олиш хужжатлари шаклларини, рўйхатга олувчи ҳодимлар гувоҳномаси шаклини ишлаб чиқади;
аҳолини рўйхатга олиш варағидаги маълумотларни киритиш, қайта ишлаш ва якуний маълумотларни ўз вақтида олиш бўйича автоматлаштирилган ахборот тизими ишлаб чиқилишини ташкил қилади;
аҳолини рўйхатга олиш хужжатларини чоп этиш, моддий-техник таъминот воситаларини тайёрлаш (сотиб олиш) ва уларни ўз вақтида ҳудудларга етказиб бериш ишларини ташкил этади;
аҳолини рўйхатга олувчи ходимларни танлаб олиш ва ўкитиш тартибини белгилайди, ҳудудий статистика бошкармалари ҳодимларини ўкитишни ташкил этади;
Ўзбекистон Республикаси Давлат солиқ қўмитаси ҳузуридаги Кадастр агентлиги билан биргаликда аҳолини рўйхатга олишда фойдаланиладиган картографик материалларни тайёрлаш бўйича техник шартларни ишлаб чиқади;
аҳолини рўйхатга олишга тайёргарлик кўриш ва уни ўтказиш ҳамда маълумотларни киритиш ва қайта ишлаш учун вақтинчалик биноларни ажратиш бўйича қўлланмани ишлаб чиқади ва тасдиқлайди;
аҳолини рўйхатга олиш варағи шакллари тайёрланишини ва ҳудудларга етказилишини таъминлайди;
Ўзбекистан Миллий ахборот агентлиги ва Ўзбекистан Миллий телерадиокомпанияси билан биргаликда 2023 йилда аҳолини руйхатга олишни ўтказиш ҳақида аҳолини хабардор қилиш ишларини (шу жумладан, SMS-хабарнома, аудио ва видео реклама материаллари, нашрлар ва бошқалар) мувофиқлаштиради;
аҳолини рўйхатга олиш жараёнлари ҳудудий комиссиялар билан биргаликда сифатли ўтказилишини ташкил этишга кўмаклашади;
шахсга доир маълумотларга ишлов бериш тартибини белгилайди ва уларга ишлов беришни амалга оширади.
11.08.2021 йилдаги «Расмий статистика тўғрисида»ги ЎРҚ-707-сон Қонуннинг амал қилиши расмий статистикани тайёрловчиларга ва ундан фойдаланувчиларга, респондентларга ҳамда маъмурий маълумотларни етказиб берувчиларга, шунингдек улар ўртасида юзага келадиган, расмий статистикани тайёрлаш, тарқатиш ва мувофиқлаштириш билан боғлиқ бўлган муносабатларга нисбатан татбиқ этилади.
Қонун билан «расмий статистика» тушунчаси киритилмоқда, у давлат статистика органлари ва расмий статистиканинг бошқа тайёрловчилари томонидан тайёрланадиган ҳамда тарқатиладиган статистика маълумотларидан иборатдир.
Шунингдек Қонунда қуйидаги асосий тушунчалар қўлланилади: идентификатор, индивидуал ва маъмурий маълумотлар, метамаълумотлар, миллий статистика тизими, расмий статистикани тайёрловчи, статистика маълумотлари, статистика маълумотларини тайёрлаш, статистик бирлик.
Расмий статистиканинг асосий принциплари мустақиллик, тушунарлилик ва шаффофлик, аниқлик ва ишончлилик, беғаразлик ва холислик, статистик махфийлик, долзарблик ҳисобланади.
Давлат статистика қўмитаси расмий статистика соҳасидаги ваколатли давлат органи ҳисобланади. Давлат статистика органлари расмий статистиканинг асосий тайёрловчилари бўлиб, расмий статистикани тайёрлашни, тарқатишни ҳамда мувофиқлаштиришни амалга оширади.
Статистика дастурларига расмий статистикани тайёрловчилар сифатида киритилган давлат бошқаруви органлари расмий статистиканинг бошқа тайёрловчилари ҳисобланади.
Расмий статистикани тайёрловчиларга индивидуал ва бошқа маълумотларни статистика мақсадларида тақдим этувчи жисмоний ёки юридик шахс респондент ҳисобланади.
Маъмурий маълумотларни расмий статистикани тайёрловчиларга тақдим этувчи давлат ва хўжалик бошқаруви органлари, шунингдек маҳаллий ижро этувчи ҳокимият органлари маъмурий маълумотларни етказиб берувчилардир.
Жисмоний ва юридик шахслар, шу жумладан уларнинг алоҳида бўлинмалари, филиаллари ва ваколатхоналари расмий статистикадан фойдаланувчилар бўлиши мумкин.
Шунингдек Қонун билан расмий статистика соҳасида қуйидагилар белгиланди:
- давлат сиёсатининг асосий йўналишлари;
- Вазирлар Маҳкамасининг ҳамда Давлат статистика қўмитасининг расмий статистика соҳасидаги ваколатлари;
- расмий статистикани тайёрловчиларнинг, респондентларнинг, маъмурий маълумотларни етказиб берувчиларнинг ҳамда расмий статистикадан фойдаланувчиларнинг ҳуқуқ ва мажбуриятлари;
- статистика дастурларини ишлаб чиқиш, статистик кузатувни ва рўйхатга олишни ўтказиш, статистика регистрларини юритиш тартиби;
- маъмурий ва индивидуал маълумотлардан фойдаланиш, шунингдек статистика маълумотларининг махфийлигини таъминлаш тартиби ва бошқалар.
Қонун қонун ҳужжатлари маълумотлари миллий базасида эълон қилинган ва 12.08.2021 йилда кучга кирди.
Поп тумани қўриқлаш бўлимида навбатдаги Сиёсий маърифий ўқув соати бўлиб ўтди
Мазкур “Сиёсий маърифат соати”да Туман сайлов комиссияси раиси Ф.Примназаров, Наманган вилояти Кенгаши депутати И.Холиқовлар иштирок этиб, юртимизда кечаётган ижобий ўзгаришларнинг моҳиятини, Ўзбекистон Республикаси давлат мустақиллигининг 30 йиллик байрамига тайёргарлик кўриш ва уни юқори савияда ўтказиш юзасида амалга оширилаётган ишлар ҳамда жорий йилнинг 24 октябрида бўлиб ўтадиган президентлик сайловлари тўғрисида батафсил тушунтирдилар.
Мана юртимиз яна байрам оғушида. Мамлакатимиз ҳаётидаги унутилмас тарихий воқеа – Ўзбекистонимиз мустақилликка эришган куннинг ўттиз йиллиги байрами арафасидамиз.
Ишончимиз комилки, асрлар, замонлар ўтар, аммо, барчамизга ўзлигимзни англаш, инсоний шаънимизни, қадр-қимматимизни, ўз юртимизни севишни, тилимиз, муқаддас динимизни ва тарихимизни қайтариб берган бу улуғ айём Ватанимиз тарихида олтин саҳифа бўлиб, абадий сақланиб қолади.
Бугунги кунда ватанимиз салоҳияти, моддий, иқтисодий ҳамда интеллектуал куч-қудратимиз тобора ошиб, шаҳару қишлоқларимизнинг қиёфаси ўзгариб бораётганини ҳеч ким инкор этолмайди.
Кўпчиликни ҳайратда қолдираётган бундай ҳақиқатни тасдиқлаб берадиган кўпгина рақам ва маълумотларни келтириш қийин эмас. Биргина туманимиз мисолида айтадиган бўлсак, ўтган бир йил давомида барча соҳаларда улкан муваффақиятларга эришилди. Бундан ташқари, “Обод қишлоқ” дастурига мувофиқ “Яккатут ”, “Қўштепа” маҳалла фуқаролар йиғинларида кўтаринки кайфият билан қурилиш, ободонлаштириш ишлари олиб борилмоқда. Насиб этса, ушбу масканларимиз таниб бўлмас даражада чирой очиб, ўзгаришига ишонамиз.
Қадрли попликлар! Эришган ютуқларимиз албатта, ўзимизники. Лекин ниманинг ҳисобидан бундай муваффақиятлар қўлга киритилмоқда? Албатта, мустақиллик, тинчлик ортидандир. Уни қадрлаш, улуғлаш эса барчамиз учун ҳам қарз, ҳам фарз. Шундай экан ана шу икки улуғ неъматни кўз қорчиғмиздек асрайлик!
Байрамлар ортидан байрамлар келаверсин, биз попликлар ҳам мустақиллигимизни ўз меҳнатимиз билан мустаҳкамлаб, унинг равнақига муносиб ҳисса қўшамиз. Сизлардан бугунги кунда туманимизда олиб борилаётган кенг кўламли ободонлаштириш ишларида барчангизни фидоий бўлиб, ҳамжиҳатлик билан меҳнат қилишга чорлаймиз.
ЗЕРО ПОКЛИК ОЗОДАЛИК БОР ЖОЙГА ЯРАТГАННИНГ БАРАКАСИ ЁҒИЛАДИ.