Сўнгги янгиликлар
Янгиликлар
Aholini ro‘yxatga olish dasturi Aholiga yo‘naltirilgan savollar ro‘yxatidir.
Dastur savollariga javoblarning jamlan-masi aholini ro‘yxatga olish ko‘zda tutgan aholi to‘g‘risidagi ma’lumotlarni tashkil etadi. Odatda aholini ro‘yxatga olish dasturining savollari ushbu maqsad uchun maxsus tayyorlangan, aholidan olingan javoblarni hisoblab chiqish usuliga bog‘liq ravishda shakli turlicha blanklarda qayd etiladi.
Bu blanklar ro‘yxatli (ya’ni, bir necha kishiga mo‘ljallangan) yoki shaxsiy (bir kishiga mo‘ljallangan) bo‘lishi mumkin. Aholini ro‘yxatga olish dasturi muayyan qoidalar bo‘yicha va ko‘pchiligi har qanday sotsiologik tadqiqotlarga odatiy bo‘lgan muayyan talablar hisobga olingan holda tuziladi.
Dasturdagi savollarning bir qismi aholining ijtimoiy-iqtisodiy va demog-rafik xususiyatlari tarkibida ro‘y bergan o‘zgarishlarni aniqlash uchun avvalgi aholini ro‘yxatga olishda qayd etilganlarga mazmuni va tahriri bo‘yicha aniq mos bo‘lishi maqsadga muvofiq (lekin, shart emas). Shu bilan birga, aholiga oid xalqaro ma’lumotlar kabi ma’lumotlarni olish uchun aholini ro‘yxatga olish bo‘yicha xalqaro tavsiyalarni ham hisobga olish lozim. Xalqaro tavsiyalarga muvofiq, aholini ro‘yxatga olish dasturiga kiritilgan savollar respondentlar (ya’ni, so‘ralayotgan shaxslar) ularga to‘g‘ri javob bera olishlari hisobga olingan holda tuzilishi kerak.
Boshqacha aytganda, savollar so‘ralayotganlarning aksariyat ko‘pchiligi uchun murakkab bo‘lmasligi va aholini ro‘yxatga olish tadbirini barbod qilmaslik uchun ularda qo‘rqinch uyg‘otmasligi lozim. Shu bilan bir qatorda savollar aholi savodxonligining umumiy darajasi, milliy xususiyatlar, shu jumladan, urf-odatlarni ham hisobga olgan bo‘lishi kerak.
Аholini ro‘yxatga olishning maqsadi va vazifalari. Oʻzbekiston Respublikasi hududida yaxlit va xar bir maʼmuriy-hududiy birlik boʻyicha aniq bir vaqtda yashovchi shaxslarning turli tavsiflari toʻgʻrisida xalqaro taqqoslana oladigan ishonchli, xolis va yaxlit maʼlumotlarni yagona statistik uslublar asosida yigʻish aholini roʻyxatga olishning maqsadi hisoblanadi. Quyidagilar aholini roʻyxatga olishni oʻtkazishning asosiy vazifalari hisoblanadi: aholi tarkibidagi global oʻzgarishlarni baholash, demografik siyosatni, aholi sogʻliqini mustahkamlash, ayollar va bolalar ahvolini yaxshilash va oilalarga yordam koʻrsatish chora-tadbirlarini ishlab chiqish uchun axborotlar bazasini kengaytirish; aholi punktlari va shaharlar infratuzilmasini rivojlantirish, mehnat resurslaridan foydalanish va ularni joylashtirish boʻyicha qisqa, oʻrta va uzoq muddatli prognozlar, dasturlar tayyorlash va indikativ rejalashtirish; milliy barqaror rivojlanish maqsadlarini shakllantirish va uning amalga oshirilishi ustidan monitoring oʻtkazish; aholini roʻyxatga olish davrlari oraligʻida aholi soni va tarkibining joriy hisobini yuritish, aholi sonining hisobi va prognozlarini amalga oshirish uchun statistik bazani yaratish; ijtimoiy-iqtisodiy muammolar boʻyicha ilmiy tadqiqotlarni amalga oshirish.
Бугун Попнинг Нуробод маҳалласида байрам шукуҳи. "Обод маҳалла, обод кўча, обод хонадон" мезонлари асосида энг намунали ҳудудга айланган ҳудуд ўз таровати билан барчани мафтун қилди.
Тантанали маросимда Ўзбекистон Республикаси Президенти маслаҳатчисининг биринчи ўринбосари Ғайратулла Ёзиев, вилояти ҳокими Шавкатжон Абдураззақов, вилоят ва туман сектор раҳбарлари иштирок этди.
Унда сўз олган вилоят раҳбари барча туман аҳлини яқинлашиб келаётган Ўзбекистон Республикаси Конституцияси қабул қилинганлигининг 31 йиллик байрами билан табриклаб мухтарам Президентимиз бошчилигидаги ислоҳотлар натижасида обод бўлаётган маҳаллаларимиз ҳақида гапириб ўтди.
Ушбу маҳалла учун 128 дона дона темир-бетон таянчлар ўрнатилди, 3,8 км янги тармоқ тортиш ишлари бажарилди. Шунингдек, 1 дона 250 кВА лик трансформатор пункти, 3 дона трансформатор пунктлари ҳамда 2,7 км масофадаги электр тармоқлари мукаммал таъмирланди. Бундан ташқари 4,7 км сув тармоқлари тортилиб сув иншоати қурилди.
Шунингдек 1,7 км асфалтланди, 4,2 км ички йўллар шағалланди. 1,7 пиёдалар йўлаги барпо этилди ва 28 та хонадон интернет тармоғи билан таъминланган. 2 та кўп қаватли уйларнинг ташқи қисми ободонлаштирилди, кўп қаватли уйнинг ташқи қисмидаги болалар майдончаси жорий таъмирланди. 1 та кўп қаватли уйнинг фасад ва том қисмида таъмирлаш ишлари бажарилди.
Кўпдан буён ўз биноси бўлмаган маҳалла фаоллари учун 780 млн. сўм маблағлар ҳисобига янги замонавий маҳалла биноси ва ёшлари учун Workout спорт майдончаси барпо этилиб фойдаланишга топширилди. 11 та якка тартибдаги уй-жойлар ҳомийлик маблағлари ҳисобидан мукаммал таъмирлаб берилди, 154 тонна имтиёзли кўмир маҳсулоти етказилди. Маҳаллаларда 128 нафар аҳолининг бандлигини таъминланди;
Маҳаллада яшовчи 1800 дан зиёд фуқаролар тиббий кўрикдан ўтказилди. 178 нафар фуқарога дори-дармон тарқатилди, 37 нафарига 158 млн. сўмлик субсидия олишига кўмаклашилди. 5 нафар фуқарога 130 млн. сўм имтиёзли кредит маблағлари ажратилди.
Albatta axborot-kommunikatsiya texnologiyalari samarali ishlashida aloqa liniyalarining oʻrni beqiyosdir. Aloqa liniyalaridagi qisqa muddatli uzilish yoki toʻxtalishlar fuqarolarga koʻrsatilayotgan internet xizmati sifati pasayishiga yoki umuman toʻxtashiga sabab boʻlishi mumkin.
Оила жамиятнинг бўғини ҳисобланади. Бироқ, оилада айрим ҳолларда аёл-қизларни тазйиқ ва зўравонликка учраш ҳолатлари кузатилмоқда. Аёлларнинг жамиятдаги ўрнини ошириш, уларни тўлақонли равишда ҳар бир жабҳада фаол бўлишларини таъминлаш, ҳуқуқларини ҳимоя қилиш мақсадида Ўзбекистон Республикасининг “Хотин-қизларни тазйиқ ва зўравонликдан ҳимоя қилиш тўғрисида”ги 2019 йил 2 сентябрдаги 561-сонли қонуни қабул қилинди. Мазкур қонун билан хотин-қизларни тазйиқ ва зўравонликдан ҳимоя қилиш соҳасидаги давлат сиёсатининг асосий йўналишлари сифатида хотин-қизларни тазйиқ ва зўравонликдан ҳимоя қилиш соҳасидаги гендер сиёсатини, давлат дастурларини ҳамда стратегияларни ишлаб чиқиш ва амалга ошириш;
жамиятда хотин-қизларга нисбатан тазйиқ ва зўравонликка доир муросасизлик муҳитини яратиш;
хотин-қизларнинг ҳуқуқлари, эркинликлари ҳамда қонуний манфаатлари тазйиқ ва зўравонликдан ҳимоя қилинишини таъминлаш;
жамиятда ҳуқуқий онг ва ҳуқуқий маданиятни юксалтириш, қонунийликни мустаҳкамлаш;
хотин-қизларга нисбатан тазйиқ ва зўравонликнинг олдини олиш, уларни аниқлаш, уларга чек қўйиш учун самарали ташкилий-ҳуқуқий механизмларни яратиш;
хотин-қизларга нисбатан тазйиқ ва зўравонлик содир этилишига олиб келадиган сабаблар ҳамда шарт-шароитларни бартараф этиш чораларини кўриш;
тазйиқ ва зўравонликнинг олдини олиш мақсадида давлат органлари, фуқароларнинг ўзини ўзи бошқариш органлари, нодавлат нотижорат ташкилотлари ва фуқаролик жамиятининг бошқа институтлари ҳамкорлигини таъминлаш кўрсатиб ўтилган.
Ўзбекистон Республикаси ЖКнинг 109, 105, 104-моддаларида қасддан баданган енгил, ўртача оғирликдаги, оғир ва ўта оғир тан жарожатлари етказганлик учун тегишли жазо чоралари белгиланган. Мазкур кодекснинг 103-моддасида эса шахсни ўзини ўзи ўлдириш даражасига етказиш, 121-моддасида шахсни жинсий алоқа қилишга мажбур этиш учун қатъий жазо чоралари белгиланган.
Ўзбекистон Республикаси Жиноят кодексига киритилган янги 1261-моддасида эса оилавий (маиший) зўравонлик учун жазо чоралари кучайтирилди. Бундай ҳаракатлар шахсни қўрқитиш, унга раҳмсиз муомала қилиш ёки унинг шаъни ва қадр-қимматини муттасил равишда камситиш натижасида содир қилинмоқда.
Шунингдек, жамиятимизда қонунсиз (шаръий) никоҳлар асосида яшаётган хотин-қизларга нисбатан оилавий зўравонлик қилиш ҳолатлари кўпаймоқда. Қонунсиз никоҳ асосида турмуш қурган хотин-қизларнинг оиладаги ҳуқуқлари бирмунча чекланган ҳолда бўлади. Бундай хотин-қизлар фарзандларига туғилганлик гувоҳномаларини олишда, уй-жойга бўлган бўлган ҳуқуқларини ҳимоя қилишда, турмуш ўртоғининг мулкидан мерос олишда муаммоларга дуч келмоқдалар. Шу сабабли хотин-қизлар турмуш қуришда никоҳни қонуний расмийлаштиришлари лозим бўлади.
Асосий қонунимиз бўлган Конституциямизнинг 76-моддасида оила жамиятнинг асосий бўғини эканлиги ҳамда жамият ва давлат муҳофазасида бўлиш ҳуқуқига эга эканлиги алоҳида эътироф этилган.
Юртимизда оиланинг ҳар бир аъзоси ўз ҳуқуқ ва мажбуриятларини ҳис қилган ҳолда ҳаракат қилса оилавий зўравонлик каби иллатларга чек қўйилган бўлар эди.
Фуқаролик ишлари бўйича
Чуст туманлараро суди раиси
Кучкинова Иқбол Хошимовна
Янги Наманган туманидаги «Ёшлик барака» бозорида водийда илк бор халқаро зотдор ҳайвонлари ва паррандалар кўргазмаси бўлиб ўтмоқда.
Тантанали очилиш маросимида сўз олган вилоят ҳокими Шавкатжон Абдуразаков Наманганда сайёҳларни ўзига жалб этувчи фестиваллар сони кўпайиб бораётганини айтиб, ушбу кўргазмали тадбир ҳам чорвачилик ва паррандачилик борасида ўзаро тажриба алмашиш, зотдор ҳайвонлар ва паррандаларни кўпайтириш баробарида соҳага илмий ёндашувни олиб кириш, озиқ-овқат хавфсизлигини таъминлаш, сифатли гўшт-сут маҳсулотлари ишлаб чиқариш хажмини оширишга хизмат қилишини таъкидлади.
Рамзий ленталар қирқилгач, иштирокчилар кўргазмадан ўрин олган зотли ҳайвонлар ва ноёб паррандаларни кўздан кечиришди.
Мазкур нуфузли тадбирда 250 дан ортиқ маҳаллий ва хорижий тадбиркорлар 1000 дан ортиқ чорва ҳайвонлари ва паррандалар билан иштирок этмоқда. Хусусан, қўшни республикалар Қирғизистон, Қозоғистон, Тожикистон давлатларидан чорвачилик ва паррандачилик билан шуғулланадиган йирик тадбиркорлар ташриф буюришган
