Сўнгги янгиликлар
Янгиликлар
ФЕРМЕР ХЎЖАЛИКЛАРИ РАҲБАРЛАРИ ВА ҲИСОБЧИЛАРИ
Д И Қ Қ А Т И Г А !
2021 йил якуни бўйича Статистика органларига тақдим этиладиган «Фермер хўжалиги фаолияти тўғрисида»ги 2-fx shakli (йилда 2 марта) давлат статистика ҳисобот шаклини 2022 йилнинг 1 январь санасидан кечиктирмай, интернет тармоғи воситасида, электрон шаклда «еStat 4.0» (hisobot.stat.uz) дастури орқали, электрон рақамли имзодан фойдаланган ҳолда тақдим этишингиз сўралади.
Поп туман статистика бўлими. Мурожаат учун тел: (69) 43-31-410
Барчамизга маълумки Поп туманида сўнги йилларда нафақат туман маркази балки Попнинг энг олис ҳудудларидаги олиб борилаётган кенг кўламдаги бунёдкорлик ишларини барчамиз кўриб бормоқдамиз.
Бугун эса туманимиз маркази ҳуснига кўрк қўшувчи яна бир иншоот қад ростлаб аҳоли учун фойдаланишга топширилди. Лойиҳа қиймати 2,0 млрд сўмни ташкил этган ушбу савдо комплексида ҳозирда 15 нафар янги иш ўрни яратилди ва ишсиз бўлган ёшлар иш билан таъминланди.
Маълумот учун: яқин 11 ойликда Поп туманида 203 та хизмат кўрсатиш корхоналари ташкил этилиб, жами хизмат кўрсатиш соҳасидаги корхоналар сони 1420 та етказилган.
-Жами хизматлар ҳажми 730,7 млрд сўмни ташкил этган. -Аҳоли жон бошига 3 млн. 260 минг сўмни ташкил этган.
Davlat organlari va tashkilotlarida mansabdor shaxslarning qonun hujjatlarini bilmaslik yoki to`g`ri qo`llamasligi ko`plar fuqarolarning haqli e’tirozlariga sabab bo`lishi shubxasizdir.
Ta’kidlash joizki, huquqni qo`llash – huquqni amalga oshirishning eng muhim shakli hisoblanadi. Shu bois, huquqni qo`llash muammolarini batafsil va har tomonlama o`rganish hamda uning mazmun-mohiyatini chuqurroq anglab olish uchun huquqni amalga oshirish tushunchasi va uning o`ziga xos xususiyatlariga to`xtalib o`tish maqsadga muvofiq bo`ladi.
Xususan, huquq normalarini qo`llash vakolatli davlat organi yoki mansabdor shaxslar tomonidan muayyan huquqiy vaziyatlar uchun aniq ko`rsatma (qaror, buyruq, farmoyish) chiqarish orqali huquq normalarini amalga oshirishga yo`naltirilgan faoliyatdir.Huquqni qo`llash faoliyatining samaradorligini o`zagi, eng avvalo, huquqni qo`llovchi sub’yektlarning kasbiy mahorat darajasi bo`lib hisoblanadi.
Huquqni qo`llash jarayoni o`z ichiga quyidagi bosqichlarni qamrab oladi:
1) huquq normalari bilan tartibga solinishi lozim bo`lgan yuridik ishning faktik tomonini o`rganish va o`rnatish;
2) ko`rilayotgan yuridik ishga mos keladigan huquq normasini tanlab olish;
3) ko`rilayotgan yuridik ishga mos keladigan huquq normasining mazmunini aniqlash va uni sharhlash;
4) ko`rilayotgan masalaga oid tanlab olingan huquq normasini qo`llashga qaratilgan hujjatni chiqarish;
5) huquqni qo`llash hujjati chiqarilgandan so`ng,uning bajarilishini ta’minlash chora-tadbirlarini ko`rish;
6) huquqni qo`llash hujjatining amalda bajarilishini tekshirish va uning ustidan nazorat o`rnatish.
Shuni alohida takidlash lozimki, davlat hokimiyat organlarining huquqni qo`llash faoliyatidagi nuqsonlarning asosiy sababi huquqni qo`llash sohasida tajribasizlik ham bo`lishi mumkin.
Huquqni qo`llash faoliyatida xatoliklarning eng og`ir oqibatlari odil sudlov tizimida yuzaga kelishi mumkin.
Xususan, Pop tuman adliya bo`lim tomonidan 2021 yil 9 oyi yakuni bo`yicha 10 dan ortiq tashkilotlar faoliyatida huquqni qo`llash sohasida o`tkazilgan o`rganish va tahlillar natijasi ham amaliyotda tizimli muammo va kamchiliklar mavjudligidan daloat bermoqda.
Jumladan, misol tariqasida takidlash lozimki, davlat organlarida mansabdor shaxslari va boshqa xodimlarning O`zbekiston Respublikasining “Jismoniy va yuridik shaxslarning murojaatlari to`g`risida”gi qonunda belgilangan murojaatlarni ko`rib chiqish muddatlari, murojaatlarni ko`rmay qoldirish, murojaatlarni ko`rib chiqishni tugatish hamda murojaatlarni umumlashtirish va tahlil qilish tatiblarini bilmasliklari yoki amaliyotda to`g`ri qo`llanilmasligi natijasida fuqarolarning huquqlarini asossiz buzilishiga olib kelish holatlari amaliyotda ko`plab uchramoqda.
Pop tuman adliya bo`limi bosh maslahatchisi Akmal Qodirov
Xozirda mamlakatimizda ijtimoiy nafaqalarni tayinlash “Ijtimoiy himoya yagona reyestri” axborot tizimi orqali amalga oshirib kelinmoqda. Bu tizimni ishga tushirilishi kam ta’minlangan oilalarga nafaqalar tayinlanishi borasida aholi uchun qator qulayliklar yaratildi.
Xabaringiz bor, O`zbekiston Respublikasi Prezidentining 2020 yil 4 avgustdagi “Aholiga davlat ijtimoiy xizmatlari va yordam taqdim etish tartib-taomillarini avtomatlashtirish bo`yicha qo`shimcha chora-tadbirlar to`g`risida”gi PQ-4797-sonli qarori e’lon qilingan edi. Unda axborot tizimi orqali elektron ma’lumot almashuvi bilan davlat tomonidan aholiga ijtimoiy yordam berish hamda xizmatlar ko`rsatishning shaffofligi, adolatliligi ta’minlanishi belgilab berildi.Shu o`rinda “Ijtimoiy himoya yagona reyestri” axborot tizimi orqali belgilangan tartibda kam ta’minlangan deb e’tirof etilgan shaxslar yoki oilalarga bepul yoki imtiyozli shartlarda bir qator ijtimoiy xizmatlar va yordamlar ko`rsatilishi belgilandi.
Xususan,
1.Davlat maktabgacha ta’lim muassasalarida ota-onalar to`lovidan ozod etish
2.Maktabgacha ta’lim muassasalarida o`rnatilgan miqdorlarda ota-onalar to`lovini to`lash.
- Umumiy o`rta ta’lim maktablarida darsliklar ijara to`lovlaridan ozod etish.
- Umumiy o`rta ta’lim maktablari o`quvchilari uchun qishki kiyim-bosh berish.
- Ayrim fanlarni o`qitishga ixtisoslashtirilgan umumiy o`rta maktablar o`quvchilarini ovqatlanish xarajatlaridan ozod etish.
- San’at maktablari, musiqa maktablari, «Barkamol avlod» markazlari va boshqa maktabdan tashqari ta’lim muassasalarida o`qish xarajatlaridan ozod etish.
- Kam ta’minlangan oilalarning nogironligi bo`lgan a’zolarini protez — ortopediya moslamalari bilan ta’minlash.
- Ixtisoslashtirilgan tibbiyot muassasalarida bepul maxsus (ambulator yoki kunduzgi) tibbiy yordam ko`rsatish bo`yicha yo`llanma (order) olish.
Ma’lumot o`rnida ta’kidlash lozimki, kelgusida "Ijtimoiy himoya yagona reyestri” axborot tizimi orqali yuqorida keltirilgan xizmatlardan boshqa ijtimoiy xizmatlar va imtiyozlar ham joriy etilishi mumkinligi belgilangan.
Xulosa sifatida shuni ta’kidlab o`tish lozimki, “Ijtimoiy himoya yagona reyestri” axborot tizimi nafaqat ijtimoiy xizmatlar va yordamning manzilliligini oshirish imkoniyati, balki jahonda bo`lib o`tayotgan koronavirus pandemiyasi davrida aholining ehtiyojmand qismini qisqa muddatlarda aniqlash va ularni davlat tomonidan manzilli qo`llab-quvvatlashning shaffof va samarali instrumentlari bo`lib xizmat qiladi.
Pop tuman adliya bo`limi boshlig`i Azamat Jo`rayev
Попда йиллар давомида фойдаланилмаган ва чўлга айланган 2 минг гектарга яқин ер қайта жонлантирилади
Янги Ўзбекистон даврида олис ва чекка ҳудудлар, таъбир жоиз бўлса, инсон қадами етмаган жойларни ўзлаштириш, ушбу ҳудудларда обод турмуш тарзини яратишга муҳим эътибор қаратилмоқда. Бу, ўз навбатида, аҳолининг фаровон турмуш тарзини таъминлашга хизмат қилмоқда.
Хусусан, Наманган вилояти Поп туманида ҳам бу борадаги ислоҳотлар изчил давом эттирилмоқда. Бугун Поп тумани ҳокими Аъзамжон Султанов 4 сектор ҳудуди саналган чегара яқини ерларида бўлиб йиллар давомида қаровсиз ташландиқ ерларни ўзлаштириш ишлари жараёнида бўлди.
Ушбу ишлар мазмунига эътибор қаратсак, жумладан, Чодак массивида 1100 гектар ер, Жийдали сув массивида 660 гектар ер ўзлаштирилади. Бу каби ишларга 10 та бульдозер, 8 та экскаватор, 20 та юк ташиш машинаси сафарбар қилинган бўлиб, ўзлаштирилаётган ерларда томчилаб суғориш тизимини жорий қилиш кўзда тутилган.
Шунингдек, ушбу амалий ишлар жараёнида 15 та ер ости қудуғини қазиш, 20 км электр тизимини тортиш каби вазифалар кўзда тутилган. Албатта, ушбу эзгу амалий саъй-ҳаракатлардан мақсад - аҳоли фаровонлигини ошириш, фуқароларни иш билан таъминлашдек вазифалардан иборат.