Сўнгги янгиликлар
Янгиликлар
Аҳолини рўйхатга олиш мамлакатда яшовчи барча аҳолига тегишли бўлган демографик, иқтисодий ва ижтимоий маълумотларни йиғиш, умумлаштириш, баҳолаш, таҳлил қилиш ва эълон қилишнинг ягона жараёнини ўз ичига олиб, аҳоли тўғрисидаги маълумотларнинг асосий манбаи ҳисобланади ва у келгуси 10 — 30 йиллик ривожланишнинг прогноз кўрсаткичларини ҳисоблаш учун ишончли пойдевор яратади, ҳудудларни ривожлантириш ва жамиятнинг ижтимоий ҳимояга муҳтож қатламларига ёрдам кўрсатиш бўйича сиёсий ва бошқарув қарорларини қабул қилиш учун зарур маълумотларни олиш имконини беради. У аҳоли сонини ишончли ҳисоблаш, шунингдек, аниқ белгилаб қўйилган ягона ҳисобга олиш даврида аҳолининг жинси, ёши, оилавий аҳволи, маълумоти даражаси, яшаш шароити, бандлиги, миллати, фуқаролиги ҳамда бошқа демографик, ижтимоий ва иқтисодий хусусиятлари бўйича якка тартибда ҳисобга олиш ва батафсил тавсифлашнинг универсал усулини ишга солган ҳолда расмий статистика тизимида асосий роль ўйнайди.
Xozirda O`zbekiston Respublikasida amalga oshirilayotgan demokratik huquqiy davlatni shakllantirish, ijtimoiy-iqtisodiy va siyosiy sohalardagi tub islohotlar davrida davlat organlari va mansabdor shaxslarning, fuqarolarning o`zini o`zi boshqarish organlarining jismoniy va yuridik shaxslarning huquqlari va erkinliklarini qo`llab-quvvatlash, ularga rioya etish va ularni himoya qilish uchun mas’uliyatini oshirish dolzarb vazifalardan biri hisoblanadi. .
Fuqarolarning murojaatlari inson huquqlarini amalga oshirish va himoya qilish, davlat organlarining aholi bilan aloqalarini mustahkamlashda muhim vositadir. Bir tomondan–fuqarolarning murojaatlari jiddiy axborot manbai bo`lib hisoblanadi va u davlat hamda ijtimoiy ahamiyatga molik masalalarni hal etish uchun zarurdir, ikkinchi tomondan – bunday murojaatlar fuqarolarning jamiyat va davlat ishlarini boshqarishdagi ishtirokini kafolatlashning eng muhim shakllaridan biridir.
Shu bilan bir qatorda fuqarolarning murojaatlari aholi turli guruhlarining yashab turganjoylaridagi (tumanlar, shaharlar, qishloqlardagi) ijtimoiy-iqtisodiy ahvoli, ularning kayfiyatlari va ehtiyojlari to`g`risidagi ma’lumot manbalaridan biri hisoblanadi. Murojaatlarda ko`tarilgan muammolarni o`z vaqtida va sifatli hal etish fuqarolarning ehtiyojlari va talablarini qondirishga katta yordam beradi, davlat hokimiyati va boshqaruv organlarining obro`-e’tiborini oshirishga, ularning aholi bilan aloqasini mustahkamlashga xizmat qiladi
Bundan tashqari, fuqarolarning murojaatlari fuqarolar uchun zarur bo`lgan qonun hujjatlarni qabul qilishga ko`maklashadi, shuning barobarida aholining davlat organlari faoliyati ustidan nazoratini kuchaytiradi.
Inson huquqlarini himoya qilish va qonuniy manfaatlarini ta’minlashda fuqarolarning murojaatlarini qabul qilish, ko`rib chiqish va qonuniy hal qilish masalalari alohida ahamiyat kasb etadi.
Bugungi kunda fuqarolarning murojaatlarini hal etishning milliy qonunchilik bazasi asosini O`zbekiston Respublikasi Konstitutsiyasi tashkil etadi.
Asosiy Qonunimizning 35-moddasida: “Har bir shaxs bevosita o`zi va boshqalar bilan birgalikda vakolatli davlat organlariga, muassasalariga yoki xalq vakillariga ariza, taklif va shikoyatlar bilan murojaat qilish huquqiga ega. Arizalar, takliflar va shikoyatlar qonunda belgilangan tartibda va muddatlarda ko`rib chiqilishi shart”, deb belgilab qo`yilgan.
Mamlakatimizda fuqarolarning murojaatlarini ko`rib chiqishning o`ziga xos xususiyatlari bir qator normativ-huquqiy hujjatlar bilan ham tartibga solingan. Bular jumlasiga fuqarolarning arizalari va boshqa xabarlarini jinoiy ish qo`zg`atishga sabab va asoslar sifatida ko`rib chiquvchi O`zbekiston Respublikasining Jinoyat-protsessual kodeksini, O`zbekiston Respublikasi Mehnat kodeksining xodimlarning mehnat huquqlari buzilishi munosabati bilan mehnat nizolari bo`yicha murojaatlarini ko`rib chiqishga doir qismini, O`zbekiston Respublikasining Ma’muriy javobgarlik to`g`risidagi kodeksini, Soliq kodeksini, Saylov kodeksini, shuningdek “Jismoniy va yuridik shaxslarning murojaatlari to`g`risida”gi O`zbekiston Respublikasi qonunlarini kiritish mumkin.
O`z o`rnida aytib o`tish kerakki, fuqarolarning murojaat etish huquqidan foydalanishi boshqa shaxslarning, jamiyat va davlatning huquqlari, erkinliklari va qonuniy manfaatlariga putur yetkazmasligi kerak.
Bozor iqtisodiyotiga asoslangan, ijtimoiy yo`naltirilgan demokratik huquqiy davlat, erkin fuqarolik jamiyat qurish yo`lida amalga oshirilayotgan tub islohotlar zamirida, shubhasiz, inson manfaatlari yotadi. Har bir fuqaro biror-bir muassasaga murojaat etar ekan, qonuniy huquqlari tiklanishi yuzasidan talablar qo`yadi, adolat qaror topishiga ishonch bildiradi. Har bir vakolatli organ yoki muassasa bu masalaga ulkan mas’uliyat bilan yondashishi zarur. Zero, fuqarolar murojaati qonun muxofazasida ekan, ularning hech biriga befarq qarashga haqqimiz yo`qligi chuqur anglashimiz lozim.
Pop tumani adliya bo`limi
yetakchi maslaxatchisi Sh.Talobayev
Бугун дзюдо бўйича спорт устаси Йўлдошали Жўраев хотирасига бағишлаб ўтказилаётган турнир 2010-2011-2012 ва 2013 йилларда туғилган ўсмир ўғил-қизлар ўртасида ташкил этилди.
Туман ҳокимлиги, туман ИИБ, туризм ва спорт бўлими, 1ва 2 -сонли спорт мактаби ҳамкорлигида ташкил этилаётган мазкур турнирда Наманган вилояти бўйича юздан ортиқ ёш дзюдочилар 5 та вазн тоифасида ғолиблик учун татамига чиқишяпти.
Мусобақа ғолиб ва совриндорлари туман ҳокимлиги ҳамда Ички ишлар бўлими томонидан диплом, медаль ва эсдалик совғалари билан тақдирланишмоқда
Бугун Поп туманида Наманган вилояти Ички ишлар бошқармаси бошлиғи полковник Одилжон Атахўджаев ёшлар муаммоларини ҳал қилиш, йигит-қизларнинг тадбиркорлик ташаббусларини қўллаб-қувватлаш мақсадида “Раҳбар ва ёшлар” учрашувида иштирок этди.
Унда туман ҳокими Аъзамжон Султанов, Ёшлар ишлар агентлиги ва Ёшлар иттифоқи туман Кенгаши, қатор мутасадди ташкилот вакиллари ва тумандаги бир гуруҳ ёшлар иштирок этди.
Учрашувда ёшларнинг муаммолари, таклиф мулоҳазалари тингланди ва жами қабул қилинган мурожаатдан айримлари жойида ҳал этилган бўлса айрим мурожаатлар юзасидан ўрганиш учун топшириқлар берилди.
Мулоқот сўнгида “Талабага мадад” лойиҳаси - доирасида, «Темир дафтар»га киритилган оилалар фарзандлари ва «Ёшлар дафтари»га киритилган 15 нафар ёшларнинг олий таълим муассасаларида тўлов-контракт бўйича йиллик харажатларини тўлаб бериш бўйича сертификатлар топширилди.
Шунингдек фаол спортчи ёшлар муносиб тақдирланиб 5 нафар ёшларга фуқаролик паспортлари тантанали топширилди.
(кичик корхона ва микрофирмалар, хусусий уй-жой мулкдорлари ширкатлари, жамоат бирлашмалари, ижтимоий фондлар, нодавлат муассасалар, фуқароларнинг ўзини ўзи бошқариш органларидан ташқари)
2021 йил ноябрь ойи иш хаққи бўйича Cтатистика органларига тақдим этиладиган «Ҳисобланган иш хаки миқдори бўйича ходимлар сонининг тақсимланиши тўғрисида»ги 1-NH shakli (йилда бир марта) давлат статистика ҳисоботи шаклини 2021 йилнинг 16 декабрь санасидан кечиктирмай, интернет тармоғи воситасида, электрон шаклдаги статистик ҳисоботларни йиғишнинг автоматлаштирилган ахборот тизими «еStat 4.0» дастури орқали электрон рақамли имзодан фойдаланган ҳолда тақдим этишингиз сўралади.
Мазкур ҳисобот шаклини тўлдириш ва электрон шаклда тақдим этиш бўйича www.stat.uz; www.namstat.uz расмий cайтлари ёки (69) 43-31-410 телефон рақамлари орқали батафсил тушунтиришлар олишингиз мумкин.
ЭСЛАТМА! Ҳисоботларни ўз муддатида тақдим этмаган ва ҳисобот маълумотларини бузиб кўрсатган масъул мансабдор шахслар Ўз.Рес.МЖтК нинг 215-моддасида белгиланган жавобгарликка (базавий ҳисоблаш миқдорининг етти бараваридан ўн бараваригача миқдорда жарима солишга) сабаб бўлади.
Поп туман статистика бўлими.