Сўнгги янгиликлар
Янгиликлар
Поп тумани ҳокимлиги шуни маълум қиладики E-qaror электрон тизими орқали туман ҳокимининг қарор лойиҳасини 3 версиясини яратишда қарор номини тўлиқ кўчирилмай қолиши натижасида техник хатолик юз берган ва қарор номи хатоликда сақланиб қолган.
Ҳозирда ушбу юзасидан қайта иш олиб борилди ва камчилик бартараф қилинди.
Кўчат экиб, боғ яратиш — халқимизнинг азалий қадриятларидан бири. Зеро, ўзимиз яшаб турган жойни ободонлаштириш ва кўкаламзорлаштириш туфайли кўнглимиз шодликка тўлади, турмушимиз файзли ва фаровон бўлади.
Куни кеча муҳтарам Президентимиз томонидан эълон қилинган дарахт экиш бўйича "долзарб 40 кунлик" акцияси доирасида Поп туманининг остонаси бўлган Қамчиқ довонида дарахт экиш ишлари бошланди. Поп туманида 2021 йил куз ва 2022 йил баҳор мавсумларида 1 млн. 278 минг туп каштан, лола дарахти, оқ қайин, эман, япон сафораси, шумтол, қайрағоч, павлония, терак ва бошқа манзарали, мевали дарахтлар ва бута кўчатлари ҳамда қаламчаларни экиш режалаштириб олинди.
Маълумот учун Республика бўйлаб йилига 200 миллион туп дарахт ва бута кўчатларини экиш ва шу орқали шаҳарлардаги яшил майдонларни амалдаги 8 фоиздан 30 фоизга ошириш режа қилинган;
Hurmatli Oʻzbekiston Respublikasi fuqarolari! Sizlarga maʼlumki, Oʻzbekiston Respublikasi Vazirlar Mahkamasining 2020- yil 11- noyabrdagi “Oʻzbekiston Respublikasida 2023- yilda aholini roʻyxatga olishga tayyorgarlik koʻrish va uni oʻtkazish chora-tadbirlari toʻgʻrisida”gi 710-son qaroriga muvofiq, aholini sinov tariqasida roʻyxatga olish 2021- yil 1–25- noyabr kunlari Andijon viloyatining Xoʻjaobod tumani, Toshkent viloyatining Yuqori Chirchiq tumani, Xorazm viloyatining Xiva shahri hamda Toshkent shahrining Yashnobod tumanida amalga oshiriladi.Aholini sinov tariqasida roʻyxatga olish ikki xil usulda, yaʼni 1-5-noyabr kunlari Internet tarmogʻi orqali va 11-22-noyabr kunlari qogʻoz shaklida roʻyxatga oluvchi xodimlar tomonidan uyma-uy yurgan holda amalga oshiriladi.Internet tarmogʻi orqali aholini roʻyxatga olish uchun maxsus axborot tizimi ishlab chiqilgan. Mazkur axborot tizimida sinov oʻtkazilishi belgilangan hududlar aholisi uchungina emas, balki, respublikamizning barcha hududlarida yashovchi va boshqa davlatlarda vaqtincha boʻlib turgan fuqarolar uchun ham tizimga kirib, roʻyxatdan oʻtish imkoniyati yaratilgan.Sinov tariqasida Internet tarmogʻi orqali aholini roʻyxatga olish natijasida ushbu axborot tizimining ishlash jarayonida yuzaga kelishi mumkin boʻlgan muammo va kamchiliklar aniqlanib, ularni bartaraf etish choralari koʻriladi hamda 2023- yilda respublikamizning barcha hududlarida oʻtkaziladigan aholini roʻyxatga olish davriga qadar foydalanuvchilar uchun yanada qulay holga keltiriladi.Hurmatli fuqarolar!Shu munosabat bilan, Sizlardan 1–5-noyabr kunlari ushbu axborot tizimiga (census.stat.uz) kirgan holda roʻyxatga olish jarayonlarida faol ishtirok etishingizni soʻraymiz!Unutmang, Sizning ishtirokingiz mamlakatimizning kelgusidagi ijtimoiy-iqtisodiy taraqqiyotini belgilashda muhim ahamiyat kasb etadi!
Учрашув давомида туман ҳокими маҳаллада янгидан бунёд этилаётган фуқаролар йиғини биноси қурилиши билан танишди. Маҳалла кичик ватан, у аҳолида ҳар жиҳатдан ғурур ва фахр уйғотиши лозим - дейди туман раҳбари.
Туман ҳокими нуронийлар билан суҳбатлашар экан, Президентимизнинг оқилона сиёсати билан мамлакатимизда, вилоятимизда хусусан туманда амалга оширилаётган ислоҳотлар ҳақида тўхталиб, бу ишларнинг барчаси туман аҳолисининг маънавий дунёсини бойитишга хизмат қилиши шубҳасиз эканлигини таъкидлади.
Бугунги кунда тобора қиёфаси янгиланиб бораётган Поп туманининг марказида яна бир замонавий Палма савдо комплекси ўз фаолиятини бошлади.
Туманимиз марказида ўзида 50 дан ортиқ тадбиркорни бирлаштирган йирик савдо комплексига асос солинди. Палма номли мазкур мажмуа 4 қаватдан иборат бўлиб 1 ва 2 қаватидан маиший хизмат кўрсатиш шохобчалар, кийим-кечак, заргарлик буюмлари, келинлик либослари, парфюмерия маҳсулотлари каби дўконлар ўрин олган.
Тадбиркор Улуғбек Ғаниевнинг таъкидлашича мажмуанинг қурилиш ва таъмирлаш ишларига ўз маблағлари ҳисобидан 3 миллиард сўмдан зиёд маблағ сарфланди. Ҳозирда 3 ва 4 қаватларга тиббиёт муассасасини жойлаштириш, аҳолига арзон ва сифатли тиббий хизмат кўрсатиш режалаштирилмоқда.
Очилиш маросимида Поп туман ҳокимининг биринчи ўринбосари М.Имомназаров иштирок этиб, барча тадбиркорларни ва кенг жамоатчилик вакилларини табриклади. Табрик сўзларда Президентимизнинг оқилона сиёсати билан мамлакатимизда, вилоятимизда хусусан туманда амалга оширилаётган ислоҳотлар, тадбиркорлар ва аҳолига қаратилаётган эътибор тилга олинди.